- rat२९p८.jpg-
२५N८०७१६
पावस ः पूर्णगड येथे श्री देव महापुरुष देवस्थानतर्फे आयोजित कार्यक्रमात मान्यवरांचा भेटवस्तू देऊन सन्मान करण्यात आला.

पूर्णगड येथे महिलांसाठी स्वरक्षणार्थ कार्यक्रम
महापुरुष देवस्थान; विविध धार्मिक कार्यक्रमांचे आयोजन
सकाळ वृत्तसेवा
पावस, ता. २९ ः रत्नागिरी तालुक्यातील पूर्णगड येथील डोर्लेकर उर्फ वाघे डायबा, वासावे, डावखुरे परिवाराच्या श्री देव महापुरुष देवस्थानामध्ये विद्यार्थिनी व महिलांसाठी मर्दानी हा स्वरक्षणार्थ कार्यक्रम आयोजित केला होता. त्यात ३५ महिला सहभागी झाल्या होत्या.
पूर्णगड खारवीवाडातर्फे देवस्थानामध्ये श्री सत्यनारायण महापूजा आयोजित करण्यात आली होती. या वेळी सकाळी मंत्रघोषात श्री देव महापुरुष देवस्थानवर अभिषेक व श्री सत्यनारायण महापूजा आयोजन करण्यात आली होते. त्यानंतर विद्यार्थिनी व महिलांसाठी मर्दानी हा स्वरक्षणार्थ कार्यक्रम ॲड. सूरज बने यांनी प्रात्यक्षिकासह प्रशिक्षण घेतले. त्यामध्ये ३५ विद्यार्थिनी व महिलावर्गाने सहभाग घेतला होता. हार्दिक डोर्लेकर (गावडे आंबेरे) यांच्या हस्ते त्यांचा सन्मान करण्यात आला. श्री देव महापुरुष देवस्थान भावकी बंधू महिला मंडळ यांच्यावतीने कामिनी हेदवकर (वरवडे) यांच्या अध्यक्षतेखाली व प्रमुख अतिथी दळे येथील उपसरपंच सुविधा खडपे यांच्या उपस्थितीत हळदीकुंकू समारंभ झाला. बचतगटातील महिलांनी शासकीय योजनेचा लाभ कसा घ्यावा आणि आर्थिकदृष्ट्या सक्षम कसे बनावे या विषयी कामिनी हेदवकर यांनी माहिती दिली. सायंकाळी बुवा वासुदेव वाघे, बुवा नारायण मिरजुळकर, मदन डोर्लेकर गुरूजी यांनी भजन सादर केले. या वेळी मंडळाचे कार्याध्यक्ष राघु डोर्लेकर यांच्या मार्गदर्शनाखाली अध्यक्ष मंदार डोर्लेकर, सचिव अनुज डायबा, दादा वाडेकर, राकेश बेर्डे, मदन डोर्लेकर गुरूजी आदी उपस्थित होते. आभार संस्था संचलित माऊली महिला नमन मंडळ यांचे महाराष्ट्र राज्यातील पहिले महिलांचे नमन येथे सादर करण्यात आले.