संपर्क कार्यालयास
प्रशांत यादवांची भेट
चिपळूण : शिवसेना उद्धव बाळासाहेब ठाकरे चिपळूण संपर्क कार्यालयाच्या प्रारंभानिमित्त राष्ट्रवादी शरदचंद्र पवार पक्षाचे प्रदेश सरचिटणीस प्रशांत यादव, तसेच सेवादल जिल्हाध्यक्ष अन्वर जबले, काँग्रेस (आय) तालुका अध्यक्ष लियाकत शहा यांनी सदिच्छा भेट देऊन शुभेच्छा दिल्या. प्रशांत यादव यांनी संपर्क कार्यालयाला भेट देवून शुभेच्छा देताना ही नवी सुरुवात जनतेच्या सेवा कार्यासाठी एक ठोस पाऊल ठरेल, असा विश्वास असल्याचे सांगितले. शिवसेनेची लोकांपर्यंत नाळ जोडणारे हे कार्यालय नेहमीच जनतेच्या प्रश्नांना प्राधान्य देणारे आणि समस्या सोडविणारे ठरेल अशी अपेक्षा व्यक्त केली. यावेळी विधानसभा क्षेत्र प्रमुख महादेव उर्फ बाळा कदम, तालुकाप्रमुख बळीराम गुजर, प्राथमिक शिक्षक पतपेढीचे माजी अध्यक्ष बळीराम मोरे, तालुका संपर्क संघटक अशोक नलावडे, शहर सचिव प्रशांत मुळये, उपशहरप्रमुख सचिन उर्फ भैय्या कदम उपस्थित होते.

कोळथरेत
गतिरोधक बसवा
दापोली ः दापोली तालुक्यातील कोळथरे ब्राह्मणवाडी येथे नव्याने कॉंक्रिटीकरण करून रस्ता झाला आहे. या रस्त्याला लगत शाळा असून येथून वाहने अति वेगाने जात असून त्यामुळे अपघाताची शक्यता आहे. तरी संबंधित विभागाने तातडीने शाळा परिसरातील मार्गावर गतिरोधक बसवावेत अशी मागणी ग्रामस्थांमधून होत आहे. वाहने