गणेशोत्सवात मोदक विक्रीद्वारे मिळवा उत्पन्नाच्या संधी
कोल्हापुरात ७ ऑगस्टला प्रात्यक्षिकांवर आधारित कार्यशाळा
कोल्हापूर, ता. २९ ः महाराष्ट्राच्या लाडक्या गणपती बाप्पाचा गणेश उत्सव काही दिवसांवर आला आहे. या दहा दिवसांत बाप्पाला वेगवेगळ्या प्रकारांच्या मोदकांचा नैवेद्य दाखविला जातो. त्यामुळे या काळात मोदकांची मागणी वाढलेली असते. गणेशोत्सवाच्या आधीच जर बाप्पांना आवडणाऱ्या मोदकांचे सिक्रेट टिप्स व विविध प्रकारांचे मोदक तयार करण्याची कृती प्रात्यक्षिकांसहित जाणून घेतली, तर या काळात व्यवसायाच्या चांगल्या संधी उपलब्ध होऊ शकतात.
हे ध्यानात घेऊन वेगवेगळ्या प्रकारचे मोदक प्रात्यक्षिकांद्वारे शिकविणारी व मोदक व्यवसाय करू इच्छिणाऱ्यांसाठी व्यवसाय कसा सुरू करावा, याचे मार्गदर्शन करणारी एकदिवसीय कार्यशाळा गुरुवारी, ता. ७ ऑगस्टला सकाळ संलग्न कौशल्य प्रशिक्षण संस्था एसआयआयएलसी तर्फे कोल्हापूर सकाळ कार्यालयात आयोजिली आहे. यात मोदक तयार करण्याची व्यावसायिक पद्धत, प्रिजर्वेशनच्या पद्धती, बाजारपेठेतील संधी, नफा, पॅकिंग, लेबलिंग इ. विषयांवर मार्गदर्शन होईल.

कार्यशाळेत शिका
खवा, मँगो, केशर, गुलकंद, पान, शुगर फ्री, चॉकलेट, खारे, ड्रायफ्रूट, तळणीचे व उकडीचे इ. मोदकांचे प्रकार शिकविण्याबरोबर मोदक व्यवसायातील संधी व त्यासाठी लागणारी विविध प्रकारची कौशल्ये इ. विषयी मार्गदर्शन होईल.

अधिक माहिती व नावनोंदणीसाठी संपर्क : ८४८४८११५४४ किंवा सोबत दिलेला क्यूआर कोड स्कॅन करावा.
कार्यशाळा ठिकाण ः सकाळ कार्यालय, शिवाजी उद्यमनगर, कोल्हापूर

80850