चिक्कोडी रस्त्यावर
अपघातात एक ठार
रत्नागिरी ः रत्नागिरीहून कर्नाटकात दुचाकीवरून जाणाऱ्या स्वाराचा चिक्कोडी रस्त्यावर अपघात झाला. अधिक उपचारासाठी जिल्हा शासकीय रुग्णालयात दाखल केले होते. तेथील वैद्यकीय अधिकाऱ्यांनी त्याला तपासून मृत घोषित केले. रवी शिवाजी राठोड (वय ३०, रा. मुरूगवाडा-झोपडपट्टी, रत्नागिरी) असे मृत स्वाराचे नाव आहे. ही घटना १७ जुलैला दुपारी अडीचच्या सुमारास चिक्कोडी रस्त्यावर घडली होती. पोलिसांकडून मिळालेल्या माहितीनुसार, रवी राठोड हा गुरुवारी १७ जुलैला दुपारी रत्नागिरीहून दुचाकी (एमएच-०८ एड्ब्ल्यू ३६१२) घेऊन मुचकंडीतोडा बागलकोट, रा. कर्नाटक) असे जात असताना चिक्कोडी रस्त्यावर दुपारी अडीचच्या सुमारास दुचाकीवरील ताबा सुटून पडला. त्यांच्या डोक्याला गंभीर दुखापत झाली. उपचारासाठी तेथील नागरिकांनी शासकीय रुग्णालय बेळगाव येथे दाखल केले होते. त्यानंतर बेळगाव येथील खासगी रुग्णालयात दाखल केले होते. अधिक उपचारासाठी जिल्हा शासकीय रुग्णालयात दाखल केले होते. मंगळवारी (ता. २९) सकाळी आठच्या सुमारास तेथील वैद्यकीय अधिकाऱ्यांनी त्यास तपासून मृत घोषित केले. या प्रकरणी जिल्हा रुग्णालयात पोलिस चौकीत या अपघाताची नोंद केली आहे.
---------
गॅसवाहू टॅंकर अपघात,
चालकाविरुद्ध गुन्हा

रत्नागिरी ः रत्नागिरी-कोल्हापूर महामार्गावरील हातखंबा-शाळेजवळील रस्त्यावर गॅस टॅंकर उलटल्याप्रकरणी ग्रामीण पोलिसात संशयित टॅंकरचालकाविरुद्ध गुन्हा दाखल केला आहे. सय्यद खाजा पाशा (वय ५०, रा. अफजल सागर मलापल्ली, नामपल्ली महिदीपठणम् सरोजिनी हॉस्पिटल, हैदराबाद) असे संशयित टॅंकरचालकाचे नाव आहे. ही घटना सोमवारी (ता. २८) रात्री अकराच्या सुमारास हातखंबा येथील वळणावर घडली. पोलिसांकडून मिळालेल्या माहितीनुसार, सय्यद पाशा हे टॅंकर (एपी-३९-टीएफ-०१५७) घेऊन जयगड ते कोल्हापूर असे घेऊन जात असताना हातखंबा गावाच्या वळणावर निष्काळजीपणे टॅंकर चालवून टॅंकर पलटी झाला. या अपघातामध्ये चालकाला दुखापत झाली तसेच वाहनाचे नुकसान झाले. गॅसगळती झाली. या प्रकरणी पोलिसपाटील औकीत सखाराम तारवे (वय ३२, रा. तारवेवाडी-हातखंबा, रत्नागिरी) यांनी ग्रामीण पोलिसात तक्रार दिली. तक्रारीवरून पोलिसांनी संशयित टॅंकरचालकाविरुद्ध गुन्हा दाखल केला आहे.
-----------
डपळचोळवाडी येथील
प्रौढाचा आकस्मिक मृत्यू
रत्नागिरी : ताप व पोटदुखीने त्रस्त असलेल्या प्रौढाला उपचारासाठी जिल्हा शासकीय रुग्णालयात दाखल केले होते. उपचार सुरू असताना तेथील वैद्यकीय अधिकाऱ्यांनी त्यांना तपासून मृत घोषित केले. सुनील देवू गवतडे (वय ५२, रा. डफळचोळवाडी-खेडशी, रत्नागिरी) असे मृत प्रौढाचे नाव आहे. ही घटना मंगळवारी (ता. २९) दुपारी अडीचच्या सुमारास जिल्हा शासकीय रुग्णालयात घडली. पोलिसांकडून मिळालेल्या माहितीनुसार, मयत सुनील गवतडे यांना गेल्या दहा वर्षापासून डायबिटिजचा आजार होता. त्यांच्यावर उपचार सुरू होते. पाच दिवसांपासून त्यांना उलट्या, जुलाब, ताप व पोटात दुखू लागले. अधिक उपचारासाठी जिल्हा शासकीय रुग्णालयात अतिदक्षता विभागात त्यांच्यावर उपचार सुरू होते. उपचार सुरू असताना तेथील वैद्यकीय अधिकाऱ्यांनी त्यांना तपासून मृत घोषित केले.