- rat३१p१४.jpg-
P२५N८११५९
देवरूख - आमडेकर दाम्पत्याच्या सत्काराप्रसंगी उपस्थित वाचनालयाचे पदाधिकारी आणि कर्मचारी.

श्रद्धा आमडेकर यांना ग्रंथमित्र पुरस्कार
सकाळ वृत्तसेवा
संगमेश्वर, ता. ३१ ः देवरूख येथील श्री सद्गुरू लोकमान्य वाचनालयाचे ग्रंथपाल श्रद्धा आमडेकर यांना महाराष्ट्र शासनाचा राज्यस्तरावरील डॉ. एस. आर. रंगनाथन् उत्कृष्ट ग्रंथालय सेवक (ग्रंथमित्र) पुरस्कार जाहीर झाला आहे. त्यांचा ५० हजार रुपये रोख, सन्मानचिन्ह, प्रमाणपत्र आणि ग्रंथ भेट देऊन महाराष्ट्र शासनाकडून सन्मान होणार आहे.
आमडेकर या मार्च १९९८ पासून फेब्रुवारी २०१७ पर्यंत सहाय्यक ग्रंथपाल म्हणून तर १ मार्च २०१७ ते आजपर्यंत ग्रंथपाल म्हणून वाचनालयात कार्यरत आहेत. त्यांना २०१७ मध्ये रत्नागिरी जिल्हा ग्रंथालय संघाकडून उत्कृष्ट ग्रंथालय सेवक पुरस्काराने सन्मानित करण्यात आले होते. शासनमान्य ग्रंथालयाच्या एलटीसी अभ्यासक्रमामधील विद्यार्थ्यांना आमडेकर या मार्गदर्शन करतात. श्री सद्गुरू लोकमान्य वाचनालयाला २०१२-१३चा महाराष्ट्र शासनाचा राज्यस्तरीय डॉ. बाबासाहेब आंबेडकर उत्कृष्ट सार्वजनिक ग्रंथालय पुरस्कार प्राप्त झाला होता. यापूर्वी २००३मध्ये वाचनालयाच्या माजी ग्रंथपाल मेधा जोशी यांना महाराष्ट्र शासनाचा ग्रंथमित्र पुरस्कार मिळाला होता. आमडेकर यांना पुरस्कार जाहीर झाल्यावर वाचनालयात कार्यकारी मंडळ सदस्य, विशेष निमंत्रित सदस्य आणि सल्लागार मंडळ सदस्य यांच्या उपस्थितीत त्यांचा सत्कार करण्यात आला. महाराष्ट्र साहित्य परिषदेच्या देवरूख शाखेचे अध्यक्ष प्रा. डॉ. अरविंद कुलकर्णी यांनीही परिषदेच्यावतीने त्यांचे अभिनंदन केले आहे.