rat१p१९.jpg-
२५N८१४७६
पावस ः शिवार आंबेरे येथील पेजे महाविद्यालयामध्ये वक्तृत्व स्पर्धेतील विजेत्या स्पर्धकांना प्रमाणपत्र देताना मान्यवर.
------
पेजे महाविद्यालयात
अण्णाभाऊ साठे जयंती
पावस, ता. १ ः रत्नागिरी तालुक्यातील शिवार आंबेरे येथील पेजे महाविद्यालयांतर्गत राष्ट्रीय सेवा योजना विभाग व सांस्कृतिक विभागातर्फे लोकसाहित्यिक अण्णाभाऊ साठे जयंती सोहळा झाला. या प्रसंगी वाणिज्य विभागप्रमुख प्रा. अमित पवार म्हणाले, अण्णाभाऊ साठे यांच्या साहित्यातून प्रेरणादायी विचार घेऊन वैयक्तिक व सामाजिक जीवनात आपल्या व्यक्तिमत्त्वाचा एक आगळावेगळा ठसा उमटवा. सामाजिक वास्तवाचे प्रतिबिंब अण्णाभाऊ साठे यांनी आपल्या साहित्यातून उमटवले. त्याच पद्धतीने विद्यार्थ्यांनी आपल्या जीवनात त्यांच्या अनमोल साहित्याची विचारधारा आत्मसात करावी व सामाजिक जीवनात सत्यशोधक वृत्ती आत्मसात करावी. या वेळी प्राचार्य मधुकर थूळ, वरिष्ठ महाविद्यालयाचे प्रभारी प्राचार्य प्रमोद वारीक, श्रमिक किसान सेवा समितीचे सहसचिव अविनाश डोर्लेकर, सांस्कृतिक विभागप्रमुख प्रा. ओंकार लिंगायत, राष्ट्रीय सेवा योजना विभागप्रमुख प्रा. कल्पना मेस्त्री आदी उपस्थित होते. कार्यक्रमामध्ये अण्णाभाऊ साठे यांच्या जयंतीनिमित्ताने घेतलेल्या वक्तृत्व निबंध स्पर्धेचे बक्षीस वितरण मान्यवरांच्या हस्ते करण्यात आले.