81716

इन्सुली नाक्याजवळ
भरधाव डंपर उलटला

चालक सुखरूप; डंपरचे नुकसान

सकाळ वृत्तसेवा
बांदा, ता. २ ः मुंबई-गोवा महामार्गावर इन्सुली येथील आरटीओ तपासणी नाक्याजवळ भरधाव वेगात असलेल्या एका डंपरला अपघात झाला. चालकाला रस्त्याच्या कडेचा अंदाज न आल्याने डंपर रस्त्यावर उलटा झाला. हा अपघात शुक्रवारी (ता. १) रात्री उशिरा झाला. यात सुदैवाने कोणतीही जीवितहानी झाली नाही; मात्र डंपरचे मोठ्या प्रमाणात नुकसान झाले. ​
मिळालेल्या माहितीनुसार हा डंपर कुडाळहून गोव्याच्या दिशेने खडी घेऊन जात होता. रस्त्याच्या कडेला असलेल्या बाजूपट्टीवर कोणत्याही प्रकारचे रेडियम पट्टे किंवा सुरक्षेची व्यवस्था नसल्याने हा अपघात झाल्याचे सांगितले जात आहे. त्यामुळे चालकाला रस्त्याचा नेमका अंदाज न आल्याने हा अपघात झाला. या परिसरात अशा प्रकारच्या अपघातांची शक्यता वाढल्याने प्रशासनाने यावर तातडीने उपाययोजना करण्याची मागणी होत आहे. या अपघातात सुदैवाने कोणतीही जीवितहानी झाली नाही.