कलमठ येथे हरिनाम सप्ताह
कणकवली : कलमठ-बाजारपेठ येथील श्री विठ्ठल रखुमाई मंदिरात हरिनाम सप्ताहानिमित्त ५ ते ६ आॅगस्ट दरम्यान विविध धार्मिक व सांस्कृतिक कार्यक्रमांचे आयोजन केले आहे. मंगळवारी (ता.५) सकाळी ११ वाजता घटनस्थापना, प्रथेप्रमाणे अहोरात्र गावातील प्रत्येक वाडीतील भजनाची वारी सादर होणार आहे. बुधवारी (ता.६) सकाळी १० वाजता पालखी प्रदक्षिणा होईल. दुपारी १ वाजता महाप्रसाद होणार आहे. भाविकांनी हरिनाम सप्ताहामध्ये सहभागी व्हावे, असे आवाहन श्री विठ्ठल रखुमाई मंदिर व्यवस्थापन समिती व ग्रामस्थांनी केले आहे.