81846

कुडाळ नाथ पै सेंट्रल स्कूलमध्ये
लोकमान्य टिळकांना अभिवादन
कुडाळ ः येथील बॅ. नाथ पै सेंट्रल स्कूलमध्ये लोकमान्य बाळ गंगाधर टिळक पुण्यतिथी साजरी करण्यात आली. सुरुवातीला प्रशालेच्या प्राचार्या चैताली बांदेकर व सर्व शिक्षक वृंद यांच्या वतीने टिळकांच्या प्रतिमेला पुष्पहार अर्पण करण्यात आला. ज्येष्ठ क्रीडाशिक्षक रोहिदास राणे यांनी टिळकांच्या जीवनातील करारीपणा, त्यांचे भारतीय स्वातंत्र्य लढ्यातील योगदान यावर प्रकाश टाकत त्यांचा जीवनपट ऊलगडून दाखविला. टिळकांच्या पुण्यतिथीनिमित्त वक्तृत्व स्पर्धेचेही आयोजन करण्यात आले होते. पहिली ते दुसरी, तिसरी ते पाचवी, सहावी ते आठवी व नववी ते बारावी अशा चार गटांत ही स्पर्धा घेण्यात आली. भारतीय स्वातंत्र्यलढ्यातील टिळकांचे योगदान, टिळकांचे सामाजिक व शैक्षणिक कार्य या विषयांवर ही स्पर्धा घेण्यात आली. एकूण ३४ विद्यार्थ्यांनी यामध्ये उत्स्फूर्त सहभाग नोंदविला. परीक्षक रोहिदास राणे, रेश्मा घाडी व प्रिया केटगाळे यांनी काम पाहिले. वक्तृत्व स्पर्धेतील सर्व स्पर्धकांना उपमुख्याध्यापिका चित्रा कुंटे यांच्या हस्ते प्रमाणपत्रे वितरित करण्यात आली. याच दिवशी लोकशाही प्रक्रियेद्वारे वर्गप्रतिनिधींची निवड गुप्त पद्धतीने घेण्यात आली. विद्यार्थ्यांनी यामध्ये उत्स्फूर्तपणे सहभाग नोंदविला.