82078
मडुरा माऊली मंदिरात
आज धार्मिक कार्यक्रम
बांदा ः मडुरा ग्रामदैवत श्री देवी माऊली मंदिरात उद्या (ता. ५) व बुधवारी (६) दोन दिवसीय वार्षिक हरिनाम सप्ताह सोहळा साजरा होत आहे. उद्या दुपारी १२ वाजता सोहळ्याला प्रारंभ होईल. यावेळी परबवाडी, देऊळवाडी, डीगवाडी, बाबरवाडी व रेडकरवाडी मंडळांची भजने सादर होतील. बुधवारी दुपारी १२ नंतर दिंडी, आरती व महाप्रसाद होऊन सोहळ्याची सांगता होईल. कार्यक्रमाचा लाभ घेण्याचे आवाहन श्री देवी माऊली देवस्थान समिती मडुरा, मानकरी व ग्रामस्थांनी केले आहे.
------
इन्सुलीत आज
हरिनाम सप्ताह
बांदा ः इन्सुली येथील ग्रामदैवत श्री देवी माऊलीच्या वार्षिक वीणा सप्ताहास उद्या (ता. ५) दुपारी १२ वाजता प्रारंभ होणार आहे. या हरिनाम सप्ताहात डोबाचीशेळ, क्षेत्रफळ, कोठावळेबांध, सावंतटेब, कुडवटेंब, पागावाडी व बिलेवाडी भजन मंडळे भजने सादर करतील. बुधवारी (६) दुपारी १२ वाजता पालखी प्रदक्षिणेने विविध धार्मिक कार्यक्रमांनंतर सप्ताह सोहळ्याची सांगता होईल. उद्या गावातील दिंडी मंदिरापर्यंत येणार आहे. कार्यक्रमाचा लाभ घेण्याचे आवाहन श्री देवी माऊली देवस्थान समिती इन्सुली, मानकरी व ग्रामस्थांच्या वतीने करण्यात आले आहे.