82134
रानभाज्या, तृणधान्य पदार्थ
स्पर्धेत तिळवे, फाले प्रथम
सकाळ वृत्तसेवा
सिंधुदुर्गनगरी, ता. ४ ः जिल्हा परिषद शाळा, तिरवडे येथे आयोजित केलेल्या रानभाज्या व तृणधान्य पदार्थ स्पर्धेमध्ये
सुवर्णा तिळवे व ज्योती फाले यांनी प्रथम क्रमाक पटकावला. जिल्हा परिषद प्राथमिक शाळा, तिरवडे क्र.१ (ता. मालवण) शाळेत रानभाज्या व तृणधान्य पदार्थ बनविण्याची स्पर्धा झाली. विद्यार्थ्यांचे पालक तसेच ग्रामस्थ यांच्यासाठी आयोजित या स्पर्धेला उत्स्फूर्त प्रतिसाद लाभला. स्पर्धेचे आयोजन शाळेच्या मुख्याध्यापिका उन्नती कराळे व सहशिक्षक गणेश खरात यांनी केले होते. यावेळी परीक्षक म्हणून मधुरा माडये व चंद्रसेन पाताडे यांनी काम पाहिले. ग्रामपंचायत सदस्या विशाखा गावडे, शाळा व्यवस्थापन उपाध्यक्ष देवेंद्र कदम आदी उपस्थित होते. स्पर्धेचा निकाल अनुक्रमे असा : रानभाजी पाककृती-सुवर्णा तिळवे (एकपान भाजी), नीशा गावडे (धानक भाजी), ललिता कदम (भारंगी फूल भाजी). तृणधान्यापासून पदार्थ बनविणे - ज्योती फाले (कुळीथ पिठाचे लाडू), संजना कदम (ज्वारी पुलाव), साक्षी मेस्त्री (मिक्स कडधान्य) यांनी बक्षिसे प्राप्त केली. स्पर्धकांना परीक्षक माडये व पाताडे यांनी मार्गदर्शन केले. सूत्रसंचालन मुख्याध्यापिका कराळे यांनी केले. आभार सहशिक्षक खरात यांनी मानले.