82144

विद्यार्थी उत्कर्ष मंडळातर्फे
अच्युत पालव यांचा सत्कार
सकाळ वृत्तसेवा
तळेरे, ता. ४ : विद्यार्थी उत्कर्ष मंडळाच्या शिक्षण विभागामार्फत आयोजित वार्षिक स्नेहसंमेलनात अणाव (ता. कुडाळ) येथील प्रसिद्ध सुलेखनकार अच्युत पालव यांचा मंडळाच्या वतीने सत्कार करण्यात आला. हा कार्यक्रम प्रभादेवी येथील रवींद्र नाट्य मंदिर येथे झाला.
यावेळी सिने नाट्य अभिनेत्री चिन्मयी सुमित, अदिती कारे-पाणंदीकर आदी उपस्थित होते. यावेळी ‘विवेकानंद स्मृती’ या अंकाच्या दरपत्रकांचे प्रकाशन श्री. पालव यांनी केले. प्रास्ताविक मंडळप्रमुख विकास शिंदे, मान्यवरांचा परिचय मंडळ उप प्रमुख नरेश विचारे यांनी केला. आभार सहमंडळ प्रमुख सुधीर फके मानले. सुत्रसंचालन शिक्षणप्रमुख संकेत शिर्के आणि वेद गावडे यांनी केले. यावेळी सिंधुदुर्ग पुत्र गणेश गावकर निर्मित ‘शाम, तुझी आवस ईली रे’ हे दोन अंकी मालवणी नाटक मंडळाच्या कलाकारांनी सादर केले.