-rat४p३५.jpg-
२५N८२१६१
दापोली ः मैत्री दिनानिमित्त बसस्थानकाबाहेर फलक घेऊन उभारलेल्या तरुणाने सर्वांचे लक्ष वेधले.
--------------
तरुणाच्या फलकाने वेधले लक्ष
सकाळ वृत्तसेवा
दापोली, ता. ४ ः जिथे मैत्री दिन साजरा करताना बहुतांश तरुण सोशल मीडियावर स्टेटस आणि फोटो शेअर करून आपली भावना व्यक्त करतात, तिथे दापोलीतील एका तरुणाने रस्त्यावर उतरून मैत्रीचं वेगळं आणि मिश्किल भाष्य करणारा संदेश दिला आहे.
मैत्री दिनाच्या निमित्ताने दापोली बस स्थानकाबाहेर हातात एक मजेशीर पण विचार करायला लावणारा फलक घेऊन जयदीप पाटील हा तरुण उभा होता. या फलकावर कोण म्हणतंय मैत्री बरबाद करते, असतील निभवणारे कट्टर ना, तर सारी दुनिया सलाम करते, असे वाक्य लिहिले होते. बसची वाट पाहणारे प्रवासी, आजूबाजूचे दुकानदार, तसेच अनेक दुचाकीस्वार काही क्षण थांबून या तरुणाकडे पाहात होते. काहीजण हसत होते, काहीजण फोटो काढत होते, तर काहीजण हा मजकूर वाचून अर्थ समजून घेण्याचा प्रयत्न करत होते. अनेकांनी याची छायाचित्रे सोशल मीडियावर शेअर केली.