82275

‘एनसीसी’साठी १८ विद्यार्थ्यांची निवड

सिंधुदुर्ग महाविद्यालयात प्रक्रिया; सैन्य दल अधिकाऱ्यांची उपस्थिती

सकाळ वृत्तसेवा
मालवण, ता. ४ : येथील स. का. पाटील सिंधुदुर्ग महाविद्यालय येथे कार्यरत असणाऱ्या एनसीसी विभागामध्ये आर्मी, नेव्ही एअर फोर्स, पोलिस, तटरक्षक दल व इतर संरक्षण दलामध्ये करिअरसाठी इच्छुक विद्यार्थ्यांसाठी भारत सरकार आर्मी विभागाकडून एनसीसी भरती प्रक्रिया पूर्ण करण्यात आली.
ही प्रक्रिया पूर्ण करण्यासाठी ५८ महाराष्ट्र बटालियन सिंधुदुर्ग सुभेदार बेंनोर साहू (ओडिसा) आणि सीएचएम राकेश बनसोडे (महाराष्ट्र) हे भारत सरकार आर्मी विभागाकडून उपस्थित होते. या प्रक्रियेसाठी ३२ विद्यार्थी सहभागी झाले. पैकी १८ विद्यार्थ्यांची निवड केली. यात १० विद्यार्थी आणि ८ विद्यार्थिनींचा समावेश आहे.
प्राचार्य डॉ. शिवराम ठाकूर यांनी या सुभेदार बेनोर साहू आणि हवालदार बनसोडे यांचे स्वागत केले. राष्ट्रीय छात्र सेना विभाग प्रमुख आणि व्यावसायिक अर्थशास्त्र विभाग प्रमुख असोसिएट एनसीसी ऑफिसर लेफ्टनंट प्रा. डॉ. एम. आर. खोत यांच्या मार्गदर्शनाखाली प्रक्रिया पूर्ण झाली. वरिष्ठ अधिकारी गीतांजली चव्हाण, गौरव चव्हाण, कनिष्ट अधिकारी निर्झरा कांबळी आणि कुणाल वेंगुर्लेकर, कॉर्टर मास्टर पूजा मायनाक आणि प्रसाद बागवे, चिन्मय तारी, विनय खोबरेकर, साहिल मीर, राज लाड, प्रगती भांडे, पूजा पांढरे, दीक्षा झोरे, इशा दुखंडे, नियती पारकर, द्वितीय वर्षाचे विद्यार्थ्यांनी प्रक्रिया पूर्ण करण्यास मदत केली.
कृ. सी. देसाई शिक्षण संस्थेचे अध्यक्ष किरण ठाकूर, कार्याध्यक्ष बाळासाहेब पंतवालावलकर, सीडीसी अध्यक्ष समीर गवाणकर, सचिव गणेश कुशे, शालेय समिती अध्यक्ष साईनाथ चव्हाण, संदेश कोयंडे, प्रमोद ओरसकर, डॉ. झाटये, विजय केनवडेकर, भाऊ सामंत, महादेव पाटकर आदींनी विद्यार्थ्यांचे अभिनंदन केले. प्रा. ठाकूर यांनी एनसीसीचे जीवनातील महत्त्व सांगितले. लेफ्टनंट प्रा. डॉ. खोत यांनी प्रास्ताविक केले. प्रा. कदम यांनी आभार मानले.