82613

‘विशेष सहाय्य’ लाभार्थ्यांना
बिबवणेत मंजुरी प्रमाणपत्र
कुडाळ ः महसूल विभागाच्या वतीने १ ते ७ ऑगस्ट दरम्यान राबविण्यात येणाऱ्या महसूल सप्ताहानिमित्त आज तालुक्यातील बिबवणे ग्रामपंचायत येथे विशेष सहाय्य योजनेतील डीबीटी न झालेल्या लाभार्थ्यांची डीबीटी पोर्टलवर नोंदणी करण्याबाबतचा कार्यक्रम पार पडला. यावेळी विभागीय आयुक्त डॉ. विजय सूर्यवंशी, जिल्हाधिकारी अनिल पाटील, जिल्हा परिषद मुख्याधिकारी रवींद्र खेबुडकर यांची उपस्थिती होती. याप्रसंगी विशेष सहाय्य योजनेतील नवीन मंजूर प्रकरणांमधील लाभार्थ्यांना मंजुरी आदेश प्रमाणपत्र विभागीय आयुक्त डॉ. सूर्यवंशी यांच्या हस्ते वाटप करण्यात आले. विशेष सहाय्य योजनेतील एकूण पाच लाभार्थ्यांना प्रमाणपत्र प्रदान करण्यात आले. त्यामध्ये वैशाली बिबवणेकर, मालती हरमलकर, भारती भगत, सावित्री गावकर, सुभद्रा घाटकर या लाभार्थ्यांना प्रमाणपत्रे प्रदान करण्यात आली. या कार्यक्रमास उपविभागीय अधिकारी ऐश्वर्या काळुसे, तहसीलदार वीरसिंग वसावे, बिबवणे सरपंच सृष्टी कुडपकर आदी उपस्थित होते.