rat५p३८.jpg-
P२५N८२३२४
रत्नागिरी : कॉमर्स डे कार्यक्रमात उद्योजक श्रीकांत भिडे यांचा सत्कार करताना प्राचार्य मधुरा पाटील. सोबत वसुंधरा जाधव, राखी साळगावकर.

उद्योजकता कौशल्ये शिकून घ्या
श्रीकांत भिडे ः डीजीके महाविद्यालयात ‘कॉमर्स डे’
सकाळ वृत्तसेवा
रत्नागिरी, ता. ६ : विद्यार्थ्यांचे भविष्य उज्ज्वल होण्याकरिता आवश्यक उद्योजकता कौशल्ये महाविद्यालयीन जीवनात विकसित करा, असे आवाहन योजक फूड्स अँड बेवरेजेसचे संचालक श्रीकांत भिडे यांनी केले.
भारत शिक्षण मंडळाच्या देव, घैसास, कीर कला, वाणिज्य आणि विज्ञान वरिष्ठ महाविद्यालयात आयोजित कॉमर्स डे कार्यक्रमात ते बोलत होते. विद्यार्थ्यांचे भविष्य : आवश्यक उद्योजकता कौशल्ये यावर चर्चासत्र घेण्यात आले. त्या वेळी मार्गदर्शक म्हणून श्रीकांत भिडे बोलत होते. या सत्रामध्ये भिडे यांनी शून्यातून व्यवसायाची सुरुवात कशी करावी, याबद्दल मार्गदर्शन केले. व्यवसायाच्या व्यवस्थापनाबद्दल त्यांनी विद्यार्थ्यांना मार्गदर्शन केले. वाणिज्य शाखेतील विद्यार्थी या सत्रामध्ये सहभागी झाले. या वेळी प्र-प्राचार्या मधुरा पाटील, उपप्राचार्या वसुंधरा जाधव, वाणिज्य विभागप्रमुख राखी साळगावकर, प्राध्यापक उपस्थित होते. सूत्रसंचालन ईश्वरी पवार हिने केले. गौरवी ओळकर हिने आभार मानले.