82540

बंड्या सावंत यांचा वाढदिवस उपक्रमांनी
कुडाळ ः भाजप प्रदेश कार्यकारिणी सदस्य युवा नेते बंड्या सावंत यांना त्यांच्या वाढदिवसानिमित्त सर्वपक्षीय तसेच विविध मित्रमंडळांच्या माध्यमातून शुभेच्छा देण्यात आल्या. सावंत यांच्या वाढदिवसानिमित्त बंड्या सावंत मित्रमंडळातर्फे येथील मराठा समाजामध्ये वाढदिवस सोहळ्याचे आयोजन मंगळवारी (ता. ५) रात्री करण्यात आले. सावंत यांच्या आई श्रीमती सावंत यांनी केक भरवला. भाजप जिल्हाध्यक्ष प्रभाकर सावंत, राष्ट्रवादी काँग्रेस जिल्हाध्यक्ष अमित सामंत, कार्याध्यक्ष प्रसाद रेगे, भाजप जिल्हा सरचिटणीस रणजित देसाई, शिवसेना कुडाळ तालुकाप्रमुख राजन नाईक, राजू राऊळ, राजेंद्र राणे, रेवती राणे, सुनील धुरी, ऋषिकेश गावडे, प्रदीप माने, धैर्यशील परभणीकर, गणपत दळवी, विजय कांबळी, गजानन वेंगुर्लेकर, संजय वेंगुर्लेकर आदी उपस्थित होते.
---
82511

पाट प्रशालेमध्ये राखी कार्यशाळा
म्हापण ः पाट हायस्कूलमध्ये विविध कलात्मक उपक्रम दरवर्षी राबविले जातात. यामध्ये सर्वच शिक्षकांचा सहभाग असतो. यावर्षीही रक्षाबंधनानिमित्त विद्यार्थ्यांनी आकर्षक राख्या बनविल्या. विविध रंगसंगतीच्या कलात्मक राख्यांची निर्मिती कला कार्यानुभव आणि ‘आनंददायी शनिवार’ या उपक्रमाअंतर्गत तयार करण्यात आल्या. दीपिका सामंत, त्यांचे सहकारी आणि विद्यार्थ्यांमार्फत या राख्यांची निर्मिती करण्यात आली. राखी बनविण्याचा उपक्रमही दरवर्षी घेण्यात येतो. या कार्यशाळेस मुख्याध्यापक राजन हंजनकर, पर्यवेक्षक श्री. बोंदर उपस्थित होते. विद्यालयामध्ये गणेशमूर्ती कार्यशाळा, शुभेच्छा कार्ड तयार करणे, स्टोन आर्ट, काष्टशिल्प असेही उपक्रम कलाशिक्षक संदीप साळस्कर घेत असतात. संस्था चालकांकडूनही या उपक्रमाचे कौतुक करण्यात आले.