‘तळे’च्या विद्यार्थिनींकडून
सैनिकांसाठी राख्या
खेड : तळे येथील सेकंडरी स्कूलमधील विद्यार्थिनींनी सैनिकांसाठी स्वतः तयार केलेल्या राख्या दी मराठा लाईट इन्फेन्ट्री रेजिमेंट सेंटर, बेळगाव येथे पाठवल्या आहेत. राष्ट्रीय हरितसेना विभागप्रमुख प्रशांत पंदेरे यांच्या पुढाकारातून ही संकल्पना यशस्वी करण्यात आली. या प्रसंगी माजी सैनिक मेजर मोरे यांनी आपले अनुभव कथन केले. या कार्यक्रमाला शाळा व्यवस्थापन समितीचे उपाध्यक्ष श्रीकांत शिर्के, प्राथमिक आरोग्यकेंद्राचे दीपक यादव, माजी विद्यार्थी व विविध समित्यांचे सदस्य, पालकवर्ग उपस्थित होते.