82600

कलमठमध्ये श्रद्धा आणि
सर्जनशीलतेचाही संगम

नरहरी सोनाराचा देखावा भावला

सकाळ वृत्तसेवा
कणकवली, ता. ६ : कलमठ बाजारपेठेतील श्री विठ्ठल-रखुमाई मंदिराच्या हरिनाम सप्ताहानिमित्त ‘नरहरी सोनार’ या कथेवर चलचित्र देखावा सादर करण्यात आला. तसेच बाजारपेठेतून या देखाव्याची वाजत-गाजत दिंडी काढण्यात आली.
श्री विठ्ठल-रखुमाई मंदिरात आज सकाळच्या सत्रात धामिृक विधी तर दुपारनंतर विविध मंडळांनी सुस्वर भजने सादर केली. त्‍यानंतर बाजारपेठ मित्रमंडळाच्यावतीने ‘कथा नरहरी नरहरी सोनाराची’ या कथेवर चलचित्र देखावा साकारला. या देखाव्याची कलमठ माणिक चौक ते श्री विठ्ठल रखुमाई मंदिरात वाजत-गाजत दिंडी काढण्यात आली. या देखाव्यात विठ्ठलाची भूमिका अद्वैत पेडणेकर, शिवशंकराची भूमिका आराध्य कांबळी, नरहरी सोनाराची स्वरांश रेवडंकर तर वाऱ्यांच्या भूमिकेत गौरांक सावंत, त्रिशा सावंत, स्वर कांचवडे, स्वयम गावडे होते. हा देखावा साकारण्यासाठी नंदकुमार हजारे, प्रवीण चिंदरकर, अनंत हजारे, तनोज कळसुलकर, धीरज मेस्त्री, अनिकेत कांबळी, आबा मेस्त्री, मंथन हजारे, नील लोकरे, हर्ष हजारे व श्री विठ्ठल-रखुमाई मंदिर व्यवस्थापन समितीने मेहनत घेतली.