82651

बांदा केंद्रशाळेत बरसल्या ‘काव्य धारा’

‘पावसाळी कविता’; कवी मडकईकरांसह विद्यार्थ्यांचा सहभाग

सकाळ वृत्तसेवा
बांदा, ता. ६ ः येथील नट वाचनालयाचे माजी उपाध्यक्ष (कै.) सुभाष मोर्ये यांच्या दुसऱ्या स्मृतीदिनानिमित्त आयोजित करण्यात आलेल्या प्रसिद्ध मालवणी कवी दादा मडकईकर यांचा ''पावसाळी कविता'' सादरीकरणाचा कार्यक्रम उत्साहात झाला. यावेळी श्री. मडकईकर यांनी एकापेक्षा एक सरस मालवणी कविता सादर करत उपस्थितांना जाग्यावर खिळवून ठेवले.
बांदा जिल्हा परिषद केंद्रशाळा क्र. १ येथे हा कार्यक्रम झाला. यावेळी व्यासपीठावर कार्यक्रमाचे प्रमुख पाहुणे मालवणी कवी दादा मडकईकर, वाचनालयाचे अध्यक्ष एस. आर. सावंत, उपाध्यक्ष नीलेश मोरजकर, सचिव राकेश केसरकर, सुगंधा मोर्ये, श्वेता कोरगावकर, बांदा सरपंच प्रियांका नाईक, केंद्रशाळेचे मुख्याध्यापक शांताराम असनकर आदी मान्यवर उपस्थित होते. उपस्थित मान्यवरांच्या हस्ते दीपप्रज्वलन करून (कै.) सुभाष मोर्ये यांच्या प्रतिमेला पुष्पहार अर्पण करण्यात आला. कार्यक्रमाचे प्रास्ताविक व उपस्थितांचे गुलाब पुष्प देऊन वाचनालयाचे सेक्रेटरी राकेश केसरकर यांनी स्वागत केले.
श्वेता कोरगावकर, प्रियांका नाईक, सुगंधा मोर्ये व कवी मडकईकर यांनी आपले मनोगत व्यक्त करुन कार्यक्रमाला शुभेच्छा दिल्या. केंद्रशाळेच्या विद्यार्थ्यांनी पावसाळी गीत व नृत्ये सादर केली. श्री. मडकईकर यांनी आपल्या विविध कवितांचे सादरीकरण केले. संजय देसाई यांनी आपली कविता सादर केली.
या कार्यक्रमाला वाचनालयाचे सहसचिव हेमंत मोर्ये, संचालक शंकर नार्वेकर, जगन्नाथ सातोस्कर, अनंत भाटे, स्वप्निता सावंत, अंकुश माजगावकर, गुरुनाथ नार्वेकर, उज्ज्वला नार्वेकर, अर्चना सावंत, लक्ष्मी सावंत, सुवर्णलता धारगळकर, उर्मिला सावंत-मोर्ये, अच्युत पिळणकर, रामकृष्ण धुरी, शिक्षक जे. डी. पाटील, मधुमती आपटे, प्राची गावकर आदी उपस्थित होते. राकेश केसरकर यांनी आभार मानले.