- rat१०p४६.jpg-
२५N८३५३६
खेड ः बोरघरजवळ उलटलेली मोटार.
----
बोरघरजवळ मोटार उलटली
महिला गंभीर ; उपचार सुरू
सकाळ वृत्तसेवा
खेड, ता. १० : मुंबई-गोवा महामार्गावर बोरघर-भंडारवाडी ग्रामपंचायतीसमोर रविवारी (ता. १०) सकाळी ८ वाजता झालेल्या अपघातात चारजण जखमी झाले. मुंबईहून आरवली (ता. संगमेश्वर) येथे जाणाऱ्या पालांडे कुटुंबीयांच्या मोटारीला अपघात झाला. या गाडीत चौघेजण होते, त्यापैकी एका महिलेला गंभीर दुखापत झाली आहे. इतर तिघांना किरकोळ जखमा झाल्या आहेत. सर्व जखमींना तत्काळ कळंबणी येथील उपजिल्हा रुग्णालयात हलविण्यात आले आहे. अपघाताचे नेमके कारण अद्याप स्पष्ट झालेले नाही.