-rat१२p४२.jpg-
२५N८४०४९
खेड ः डांबरी पट्ट्यावर आदळून झालेल्या अपघातात मोटारीचे नुकसान झाले.
-------------
दोन अपघातात सहा जण जखमी
सकाळ वृत्तसेवा
खेड, ता. १२ : मुंबई-गोवा महामार्गावरील बोरघर-नातूनगर हद्दीतील मोरीवर मंगळवारी (ता. १२) दुपारी मोटारीचा अपघात झाला. यामध्ये चार प्रवासी जखमी झाले. हे सर्व प्रवासी मुंबईहून सिंधुदुर्गकडे जात होते. अन्य एका अपघातात दोघेजण जखमी झाले.
आशिष कुमार (वय ४५), अमृता (४०), अर्जून (१५), अर्शीका (१०, पूर्ण नावे मिळू शकली नाहीत) अशी पहिल्या अपघातातील जखमींची नावे आहेत. बोरघर-नातूनगर हद्दीतील मोरीवरील डांबरी जोडपट्टा येथे मोटार उंच उडाल्याने हा अपघात झाला आहे. अपघातातील जखमींना कळंबणी येथील उपजिल्हा रुग्णालयात उपचारासाठी दाखल करण्यात आले. बोरघर (भंडारवाडी) ग्रामपंचायत कार्यालयासमोर दुसरा अपघात झाला. मुंबईच्या दिशेने जाणाऱ्या मोटारीने पुढे असलेल्या ट्रॅक्टरला पाठीमागून धडक दिली. ट्रॅक्टर महामार्गावरून उलट दिशेने डिव्हायडरवर चढून अपघात झाला. यामध्ये मोटारीमधील एकजण आणि ट्रॅक्टर चालक गंभीर जखमी झाला.