84189

विद्यार्थी, सामाजिक हिताचे उपक्रम राबवू
संतोष चव्हाणः कुडाळ चर्मकार समाज मंडळाची कार्यकारिणी जाहीर
सकाळ वृत्तसेवा
कुडाळ, ता. १३ः सिंधुदुर्ग जिल्हा चर्मकार समाज उन्नती मंडळ कुडाळ शाखा अध्यक्षपदी संतोष चव्हाण, सचिव नरेंद्रकुमार चव्हाण यांच्यासह तालुका कार्यकारिणी जाहीर करण्यात आली. संघटनेच्या माध्यमातून समाजाचे मूलभूत प्रश्न तसेच विद्यार्थी शैक्षणिक विकासाच्या अनुषंगाने सर्वांच्या सहकार्याने विविध उपक्रम राबविणार असल्याचे नूतन अध्यक्ष चव्हाण यांनी सांगितले.
सिंधुदुर्ग जिल्हा चर्मकार समाज उन्नती मंडळ कुडाळ शाखेची कार्यकारिणी जाहीर करण्यात आली. समाजातील विविध प्रश्न आणि शैक्षणिक इतर बाबतीत मुलांचा सर्वांगीण विकास करण्याच्या दृष्टिकोनातून हे मंडळ कार्यरत असते. या मंडळाची कार्यकारिणी अशी ः अध्यक्ष संतोष चव्हाण, सचिव नरेंद्रकुमार चव्हाण, कोषाध्यक्ष गुरुनाथ तेंडोलकर, उपाध्यक्ष प्रमोद आजगावकर, मनीषा पाताडे, संतोष पावसकर, गणपत चव्हाण, सहसचिव सुप्रिया चव्हाण, सुरेश पिंगुळकर, दत्ताराम कसालकर, राजेश चव्हाण, सदस्य महादेव चव्हाण, रमेश कुडाळकर, बी. बी. चव्हाण, गणेश कालेलकर, सिद्धेश खेडेकर, सागर अणावकर, स्वप्नील म्हापणकर, विनायक चव्हाण, रवींद्र चव्हाण, रोशन चव्हाण, रमेश चव्हाण, आनंद चव्हाण आदींचा समावेश आहे.
समाजातर्फे आयोजित गुणवंत विद्यार्थी गौरव सोहळ्याप्रसंगी नूतन कार्यकारणीचे मान्यवरांच्या हस्ते अभिनंदन करण्यात आले. यावेळी सेन्सॉर बोर्ड सदस्य, रंगकर्मी व माजी जिल्हाध्यक्ष विजय चव्हाण, मालवण गटविकास अधिकारी श्याम चव्हाण, जिल्हा सचिव चंद्रसेन पाताडे, बँक संचालक आत्माराम ओटवणेकर, जिल्हा प्रवक्ता के. टी. चव्हाण, प्रकाश चव्हाण, माजी तालुका अध्यक्ष मनोहर सरमळकर, भवन समिती प्रमुख श्रीराम चव्हाण, नायब तहसीलदार प्रदीप पवार, रामदास चव्हाण, सुभाष बांबुळकर, प्रिया आजगावकर, अॅड. राजीव कुडाळकर, कावेरी चव्हाण, राजन वालावलकर, सुरेश पवार, मधुकर जाधव, मधुकर चव्हाण, प्रा. नितीन बांबर्डेकर, सचिव नरेंद्रकुमार चव्हाण उपस्थित होते.