तावडे वाड्यात भाजप महासचिव
विनोद तावडे यांच्या हस्ते ध्वजवंदन
सकाळ वृत्तसेवा
रत्नागिरी, ता. १४ : आडिवरे (ता. राजापूर) येथील क्षत्रिय मराठा तावडे हितवर्धक मंडळाच्या तावडे अतिथी भवनमध्ये (वाडा) प्रथमच यंदापासून भारतीय स्वातंत्र्याचा उत्सव साजरा होणार आहे. उद्या (ता. १५) सकाळी ९ वाजता भाजपचे राष्ट्रीय महासचिव व माजी शिक्षणमंत्री विनोद तावडे यांच्या हस्ते ध्वजवंदन होणार आहे.
तावडे वाड्याचा अलीकडेच सातवा वर्धापनदिन साजरा झाला. रत्नागिरीमार्गे सिंधुदुर्ग, गोव्यात जाणाऱ्या सागरी मार्गावर आडिवरे येथे ऐतिहासिक तावडे वाडा हा रत्नागिरीची शान आहे. या सोहळ्यासाठी क्षत्रिय मराठा तावडे हितवर्धक मंडळाचे अध्यक्ष दिनकर तावडे, तावडे अतिथी भवनाचे शिल्पकार संतोष तावडे, उपाध्यक्ष सुहास तावडे व राजेंद्र तावडे, सरचिटणीस सतीश तावडे, खजिनदार प्रदीप तावडे, सचिव चंद्रकांत तावडे, गोविंद तावडे, सुबोध तावडे, सुधीर तावडे, साहाय्यक खजिनदार स्नेहा तावडे व तावडे कार्यकारिणीचे सदस्य उपस्थित राहणार आहेत.