84708

कबड्डी स्पर्धेचे सावंतवाडीत उद्‍घाटन
सावंतवाडी ः मुलांच्या कलागुणांना वाव मिळवून देणाऱ्या कबड्डी स्पर्धेचे आयोजन दरवर्षी करण्यात येत आहे. कबड्डी स्पर्धेत यशस्वी होण्यासाठी सर्वांनीच प्रयत्न केला पाहिजे, असे मत माजी शिक्षणमंत्री आमदार दीपक केसरकर यांनी व्यक्त केले. येथील बाजारपेठ नवरात्र उत्सव मंडळातर्फे आमदार केसरकर पुरस्कृत ‘राजन म्हापसेकर स्मृती चषक २०२५’ या जिल्हास्तरीय कबड्डी स्पर्धेचे आयोजन केले आहे. या स्पर्धेचे हे ३१ वे वर्ष आहे. याचे उद्‍घाटन आमदार केसरकर यांच्या हस्ते झाले. शिवसेना शहरप्रमुख बाबू कुडतरकर, बाजारपेठ मित्रमंडळाचे शैलेश गवंडळकर, नंदकिशोर गावकर, नरेश डोंगरे, सुरेंद्र बांदेकर, आबा केसरकर, अर्चित पोकळे, शर्वरी धारगळकर, विश्वास घाग उपस्थित होते.
---
84707
चराठा येथे शालेय साहित्य वाटप
ओटवणे ः पुणे येथील सह्याद्री इंडस्ट्रीज लिमिटेडतर्फे चराठा पीएमश्री शाळा क्र. १ च्या विद्यार्थ्यांना शैक्षणिक साहित्याचे वाटप केले. पहिली ते सातवीपर्यंतच्या तसेच अंगणवाडीतील विद्यार्थ्यांना शैक्षणिक साहित्य दिले. संस्थेचे ओंकार पडते, कोलगाव रामेश्वर ट्रेडर्स मालक सुरेश सुंदेशा, रुपेश परब, पत्रकार दीपक गावकर, शाळा व्यवस्थापन समिती अध्यक्ष उमेश परब, माजी अध्यक्ष समीर नाईक, सदस्य नारायण मेस्त्री, सुयश्री वेजरे, नागेश बांदेकर, मुख्याध्यापिका जयश्री पेडणेकर, शिक्षिका आदिती चव्हाण, अमिषा कुंभार, धनदा शिंदे, अंगणवाडी सेविका निखिता राणे आदी उपस्थित होते. मुख्याध्यापिका पेडणेकर यांनी या उपक्रमाबाबत पडते यांचे आभार मानले.