84804

थरावर थर रचत फोडल्या दहीहंडी

कणकवलीतील गोपाळकाला; भक्तिमय वातावरण

कणकवली, ता. १६ : येथील शहर तसेच तालुक्यात आज गोपाळकाला सण उत्साहात साजरा झाला. विविध मंडळांनी तीन ते चार थराचे मनोरे रचत त्या त्या भागातील दहीहंड्या फोडल्या. सायंकाळी घरांमध्ये पूजन झालेल्या श्रीकृष्ण प्रतिमेची मिरवणूक काढण्यात आली.
शहरात स्टार महापुरुष, गणपती मंदिर समोर महापुरुष मित्र मंडळ बाजारपेठ, आंबेआळी, पिळणकरवाडी, बांधकरवाडी मित्र मंडळ, बाजारपेठ मित्र मंडळ, ढालकाठी मित्र मंडळ, पटकीदेवी मित्र मंडळ यासोबतच शहरात ठिकठिकाणी दहीहंडी फोडण्यासाठी मानवी मनोरे रचत हंडी फोडण्याचा आनंद बाळगोपाळांसह नागरिकांनी लुटला. कणकवली शहराबरोबर तालुक्यातील गावामध्ये देखील दहीहंडी फोडण्याचा उत्साह आणि आनंद मोठा होता. अनेक घरांमध्ये शुक्रवारी (ता. १५) श्रीकृष्णाच्या मूर्ती आणून त्यांचे पूजन केले होते. या मूर्ती आज नदी काठावर विसर्जित करण्यात आल्या. यावेळी मिरवणूक सोहळा काढण्यात आला. यात नागरिकही मोठ्या संख्येने सहभागी झाले होते.