-rat१६p४२.jpg-
२५N८४८२२
सावर्डे: कुटरे येथे दहीहंडी फोडताना बालगोपाळ.
------
सावर्डे पंचक्रोशीत दहीहंडीचा उत्साह
सकाळ वृत्तसेवा
सावर्डे, ता. १६ : सावर्डे व परिसरातील विविध भागांमध्ये श्रीकृष्ण जन्माष्टमीचे औचित्य साधून हाउसिंग सोसायट्यांमध्ये तसेच ग्रामीण भागामध्ये दहीहंडी कार्यक्रम मोठ्या उत्साहात साजरा करण्यात आला. गेले दिवस दोन दिवस या परिसरास पावसाने झोडपून काढले होते; मात्र शनिवारी (ता. १६) दुपारनंतर पावसाने विश्रांती घेतली. त्यामुळे सर्वच लोक दहीहंडी फोडण्यासाठी तसेच पाहण्यासाठी उत्साहाने घराबाहेर पडले होते. खासगी कार्यालये व दुकाने दुपारनंतर बंद ठेवण्यात आली होती.
मंदिरांमधील पारंपरिक सोहळ्याबरोबरच रहिवासी सोसायट्यांमधील सामूहिक दहीहंडीने आबालवृद्धांच्या उत्साहाला उधाण आले होते. शिवसेना शिंदे गटाच्यावतीने महामार्गावर एसटी बसस्थानकाजवळ दहीहंडी फोडण्यात आली. समर्थ संकुलाच्या सोसायटीच्या आवारात, मंदिरांच्या समोर तसेच सार्वजनिक ठिकाणी रंगीबेरंगी पताका, फुलांच्या तोरणांनी सजावट करण्यात आली होती. सकाळपासूनच मुलांसाठी लहान दहीहंडी व युवकांसाठी मोठ्या दहीहंडीची तयारी करण्यात आली होती. महिलांनी पारंपरिक परंपरेप्रमाणे दही, दूध, लोणी व मिठाई भरून हंडी सजवली होती. दुपारी तीननंतर सोसायटीतीलच तरुणांनी छोटेखानी पथक तयार करून ‘गोविंदा आला रे आला’ या घोषणांनी वातावरण दुमदुमवले. पथकातील सदस्यांनी तीन ते चार थरांची मानवी पिरॅमिड रचून अखेरच्या थरावर चढलेल्या तरुणाने कौशल्याने हंडी फोडली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.