-rat१६p४३ ः
२५N८४८२३
चिपळूण ः गोवळकोट भोईवाडीमध्ये पारंपरिक दहीहंडीचा उत्साह दिसून आला.
----
चिपळुणात दहीहंडीत नेत्यांचे शक्तीप्रदर्शन
पावसाची हजेरी ; पाच, सहा थरांची सलामी
सकाळ वृत्तसेवा
चिपळूण, ता. १६ : ‘गोविंदा आला रे आला.. मच गया शोर सारी नगरीमें...’ या गाण्यांच्या ठेक्यावर चिपळूणकरांनी शहर व उपनगरात दहीहंडीचा थरार शनिवारी अनुभवला. या निमित्ताने काही नेत्यांनी भव्य स्वरूपाच्या स्वागत कमानी उभारल्या होत्या तसेच विविध सांस्कृतिक व मराठमोळी लावणी कार्यक्रमाच्या माध्यमातूनही गोविंदा व नागरिकांचे लक्ष वेधले. या वेळी काही ठिकाणी राजकीय शक्तीप्रदर्शन अनेकांनी अनुभवले. पावसानेदेखील जोरदार हजेरी लावत गोविंदा पथकांवर अनोखा वर्षाव केला.
यावर्षी गोपाळकाल्याची जय्यत तयारी करण्यात आली होती. ठिकठिकाणी स्वागत कमानी व रंगमंच उभारण्यात आले होते तसेच भरगच्च कार्यक्रम आयोजित केले होते. त्यामुळे चिपळूणकरांमध्ये अक्षरशः संचार भरला होता. सायंकाळी ६ वाजल्यापासून मोठ्या उत्साहात या उत्सवाला सुरुवात झाली. नगर परिषदेच्या आगामी निवडणुकीच्या पार्श्वभूमीवर या उत्सवात राजकीय पक्षांचा बोलबाला अधिक प्रमाणात दिसून आला. भाजप, महाराष्ट्र नवनिर्माण सेना, आमदार शेखर निकम, मित्रमंडळ, शिंदेसेना, रमेश कदम मित्रमंडळ यांच्या दहीहंडी सर्वाधिक लक्षवेधी ठरल्या. यामध्ये कोळकेवाडी, पिंपळी, गोवळकोट येथील गोविंद पथकाने काही दहीहंड्यांना सहा थर रचून सर्वांचे लक्ष वेधले.