अनधिकृत
बांधकामाबाबत
संबंधितांना नोटीस
वेंगुर्ले ः म्हापण बाजारपेठेत केलेल्या अनधिकृत बांधकामाबाबत ग्रामपंचायत सदस्य गुरुनाथ मडवळ यांनी दाखल केलेल्या रिट पिटीशनची मुंबई उच्च न्यायालयाने गंभीर दखल घेतली आहे. न्यायालयाने म्हापण सरपंच तसेच संबंधित सर्व विभागांना नोटीस बजावली आहे. या बांधकामाबाबत संबंधितांकडून कोणताही अर्ज यापुढे स्वीकारू नये, कोणताही ठराव पारित झाला असल्यास त्याची अंमलबजावणी करू नये तसेच ते अनधिकृत बांधकाम आहे त्या परिस्थितीत ठेवण्याचे निर्देश मुंबई उच्च न्यायालयाने म्हापण ग्रामपंचायतीला दिले आहेत. याबाबत अर्जदार मडवळ यांनी पत्रकार परिषद घेत माहिती दिली. त्यांच्या वतीने उच्च न्यायालयात मुंबई येथील ख्यातनाम व सुप्रसिद्ध ज्येष्ठ विधीज्ञ अॅड. अभय खांडेपारकर व त्यांचे सहकारी अॅड. ऋषिकेश भगत काम पाहत आहेत.