कोकण

संक्षिप्त

CD

बुटाला हायस्कूलमध्ये
विद्यार्थ्‍यांना पुस्तके भेट
गावतळे ः श्रीमान मथुरभाई बुटाला हायस्कूल व ज्युनिअर कॉलेजला ‘ग्यान की’ या संस्थेकडून वाचनीय पुस्तके प्राप्त झाली. प्राचार्या सावंत यांच्या मार्गदर्शनाखाली विद्यालयाचे विविध पातळीवर प्रगतीचा आलेख वाढत चाललेला आहे. ग्यान की संस्थेचे प्रमुख प्रदीप लोखंडे यांनी पुस्तके विद्यालयाला भेट दिली. ग्यान की संस्थेकडून विद्यालयाला पाचवी ते आठवीसाठी लायब्ररी भेट म्हणून मिळणार आहे. आज पहिल्या टप्प्यात सहावीसाठी एक सेट मिळाला. इथून पुढे आपल्या विद्यालयास खेळाचे साहित्य व इतरही मदत करण्याचे आश्वासन संस्थेमार्फत विद्यालयाच्या प्राचार्या सावंत यांना दिले आहे.

ठाकरे गटाची
चिपळूणला बैठक

चिपळूण ः आगामी स्थानिक स्वराज्य संस्थांच्या निवडणुकीच्या पार्श्वभूमीवर आमदार भास्कर जाधव यांनी सोमवारी चिपळूण मतदार संघातील चिपळूण तालुक्यातील प्रमुख पदाधिकाऱ्यांची बैठक संपर्क कार्यालयात घेतली. बैठकीत तालुक्यातील पक्ष संघटनेचा आढावा घेताना पदाधिकाऱ्यांच्या अडचणी समजून घेण्यात आल्या. २४ ऑगस्टला मतदार संघातील सर्व शाखाप्रमुख आणि प्रमुख पदाधिकाऱ्यांचे शिबिर आयोजित करण्याचे ठरले. या बैठकीत युवतीसेनेच्या उपतालुकाधिकारीपदी तीर्था लाड यांची नियुक्ती करण्यात आली.

(टीप- वितरण विभागाने दिलेली बातमी)

85459
जीजीपीएस शाळेत
दहीहंडी उत्सव
रत्नागिरी ः शहरातील रत्नागिरी एज्युकेशन सोसायटीच्या जीजीपीएस प्राथमिक विभागामध्ये गोकुळाष्टमीनिमित्त दहीहंडी उत्सव कार्यक्रम उत्साहात झाला. शाळेच्या मुख्याध्यापिका सोनाली पाटणकर आणि प्राथमिक विभागाच्या मुख्याध्यापिका अपूर्वा मुरकर यांच्या मार्गदर्शनाखाली आयोजन करण्यात आले होते. या वेळी विद्यार्थ्यांनी विविध सांस्कृतिक कार्यक्रमाचे सादरीकरण करून उत्सवाची रंगत वाढवली. कार्यक्रमाची सुरवातीला श्रीकृष्णाच्या मूर्तीचे पूजन करण्यात आले. पहिली, दुसरी आणि तिसरीतील विद्यार्थ्यांनी राधा-कृष्णाचे वेश परिधान करून रंगत वाढवली. चौथीच्या विद्यार्थ्यांनी आकर्षक नृत्य सादर केले. कार्यक्रमातील मुख्य आकर्षण म्हणजे पाचवीच्या विद्यार्थ्यांनी एकत्र येऊन मानवी मनोरे रचून दहीहंडी फोडली. या वेळी रत्नागिरी एज्युकेशन सोसायटीच्या कार्याध्यक्षा शिल्पा पटवर्धन आणि सचिव सतीश शेवडे, शाळा समिती अध्यक्ष सुहास पटवर्धन यांनी बाळगोपाळांचे कौतुक केले आणि प्रसाद म्हणून लाडू दिले.

कुंभार समाजातील
गुणवंतांचा गौरव
लांजा ः तालुक्यातील श्री संत गोरोबाकाका कुंभार समाजाच्यावतीने दहावी, बारावी तसेच स्पर्धा परीक्षांमध्ये उल्लेखनीय यश मिळवलेल्या विद्यार्थ्यांचा गुणगौरव करण्यात आला. हा कार्यक्रम प्रभानवल्ली येथील श्री विठ्ठल रखुमाई मंदिर येथे झाला. गुणवंत विद्यार्थ्यांना प्रमाणपत्रे व बक्षिसे देण्यात आली. या वेळी लांजा तालुका कुंभार समाजाचे माजी अध्यक्ष विजय सोळगावकर, लांजा तालुकाध्यक्ष संतोष तुळसणकर, लांजा युवा आघाडीचे अध्यक्ष पंढरीनाथ मायशेट्ये आदी उपस्थित होते.


वेरळमध्ये उत्साहात
काव्यवाचन स्पर्धा
रत्नागिरी ः वेरळ (ता. खेड) येथील श्री समर्थ कृपा इंग्लिश मीडियम स्कूलमध्ये कोकण मराठी साहित्य परिषदेच्या युवाशक्ती दक्षिण कोकण विभागातर्फे ‘श्रावणधारा’ या विषयावर काव्यवाचन स्पर्धा उत्साहात झाली. काव्यवाचन स्पर्धेमध्ये प्रथम, द्वितीय, तृतीय व उत्तेजनार्थ यश प्राप्त करणाऱ्या विद्यार्थ्यांना प्रशस्तिपत्र व आकर्षक सन्मानपदक प्रदान करण्यात आले. सहभागी झालेल्या सर्व सहभागी विद्यार्थ्यांना प्रशस्तिपत्र देण्यात आले. युवाशक्ती दक्षिण कोकण विभागप्रमुख अरुण मोर्ये यांनी पावसाच्या कविता सादर केल्या. या वेळी संस्थाध्यक्ष सुयश पाष्टे, शाळा व्यवस्थापन समिती अध्यक्ष उदय शेटवे, संस्था खजिनदार दिग्विजय इंदुलकर, प्राचार्य-डॉ. शाहिद सय्यद आदी उपस्थित होते. समर्थ कृपा इंग्लिश मीडियम स्कूलच्या २२ विद्यार्थ्यांनी स्वरचित व प्रसिद्ध कवींच्या कवितांचे सादरीकरण केले. काव्यवाचन स्पर्धेत श्लोक पाटील, आर्वी खेडेकर व अक्षरा धनावडे यांनी क्रमांक पटकावला.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Monorail Breakdown Update : चेंबूरमध्ये मोनोरेलमध्ये बिघाड, ३०० हून अधिक प्रवाशांची सुटका, ६ जणांना त्रास

AUS vs SA, 1st ODI: केशव महाराजच्या फिरकीने ऑस्ट्रेलियाचे कंबरडं मोडलं; ५ विकेट्स घेत द. आफ्रिकेचा विक्रमी विजय

Operation Sindoor : शालेय अभ्यासक्रमात भारतीय लष्कराची शौर्यगाथा सांगणार! 'ऑपरेशन सिंदूर' आता अभ्यासक्रमात शिकवणार...

Mumbai-Pune Latest Rain Updates Maharashtra: दिवसभरातील महत्त्वाच्या घडामोडी वाचा एका क्लिकवर

World Cup 2025 India Squad: वर्ल्ड कपच्या भारतीय संघात शफाली वर्माला स्थान का नाही? निवड समिती अध्यक्षांनी सांगितलं खरं कारण

SCROLL FOR NEXT