rat२०p१.jpg-
P२५N८५७३०
रत्नागिरी : देव, घैसास, कीर महाविद्यालयात अँटी रॅगिंग डे निमित्त कार्यक्रमात घोषवाक्य दाखवताना विद्यार्थी. पुढे बसलेले प्राचार्य मधुरा पाटील व प्राध्यापक.
----
घोषवाक्य स्पर्धेत जिवाजी प्रथम
‘देव, घैसास, कीर’मध्ये अँटी रॅगिंग डे निमित्त कार्यक्रम
सकाळ वृत्तसेवा
रत्नागिरी, ता. २१ : भारत शिक्षण मंडळाचे देव, घैसास, कीर कला, वाणिज्य आणि विज्ञान वरिष्ठ महाविद्यालयामध्ये अँटी रॅगिंग समिती आणि आयक्युएसी यांच्या संयुक्त विद्यमाने ‘अँटी रॅगिंग डे’ निमित्त कार्यक्रमाचे आयोजन करण्यात आले.
या प्रास्ताविक अँटी रॅगिंग समिती प्रमुख प्रा. वैभव कीर यांनी केले. प्रास्ताविकातून त्यांनी विद्यार्थ्यांना या समितीबद्दल माहिती दिली. महाविद्यालयाच्या परिसरात रॅगिंगसारखे गुन्हेगारीचे कृत्य दिसून आल्यास त्या संबंधी कशाप्रकारे तक्रार नोंदवावी, याची त्यांनी विद्यार्थ्यांना माहिती दिली.
महाविद्यालयांमध्ये घोषवाक्य स्पर्धेचे आयोजन करण्यात आले होते. घोषवाक्य स्पर्धेसाठी ‘अँटी रॅगिंग’ हा विषय देण्यात आला. स्पर्धेमध्ये द्वितीय वर्ष वाणिज्य शाखेतील दिलकश जिवाजी हिने प्रथम क्रमांक पटकावला. द्वितीय वर्ष कला शाखेतील निकिता पाष्टे हिचा द्वितीय, द्वितीय वर्ष विज्ञान शाखेतील सोनप्पा अंग्रोळकर याचा तृतीय क्रमांक आला. या विद्यार्थ्यांना प्रशस्तिपत्रक देऊन गौरवण्यात आले. स्पर्धेमध्ये महाविद्यालयातील ४२ विद्यार्थी सहभागी झाले. परीक्षण प्रा. वैभव घाणेकर यांनी केले.
यावेळी प्र. प्राचार्या मधुरा पाटील, उपप्राचार्या वसुंधरा जाधव, आयक्युएसी प्रमुख प्रा. राखी जाधव, विज्ञान विभागप्रमुख प्रा. वैभव घाणेकर, महाविद्यालयाचा सचिव दुर्गेश जाधव आदी उपस्थित होते. आभार प्रा. वैभव कीर यांनी मानले.