90233
शिडवणे येथील शाळेत
आंतरराष्ट्रीय साक्षरता दिन
तळेरे, ता. ८ ः शिडवणे येथील जिल्हा परिषद पूर्ण प्राथमिक शाळा क्रमांक १ मध्ये ''आंतरराष्ट्रीय साक्षरता दिन'' उत्साहात साजरा करण्यात आला. या निमित्ताने शाळेचे माजी विद्यार्थ्यांनी एक अनोखा उपक्रम राबवून शिक्षणाचे महत्त्व अधोरेखित केले.
नव्याने स्थापन झालेल्या माजी विद्यार्थी संघाचे सदस्य सुधाकर भोवड यांनी उपस्थिती लावली. त्यांनी पाचवी, सहावी आणि सातवीच्या विद्यार्थ्यांना इंग्रजी विषयक संभाषणाचे धडे दिले. श्री. भोवड एप्रिलपासून दर महिन्याला शाळेत येऊन मुलांना इंग्रजीचे अतिरिक्त मार्गदर्शन करत आहेत. यावेळी मुख्याध्यापक प्रवीण कुबल यांनी शाळा व्यवस्थापन समिती आणि शिडवणे ग्रामपंचायत यांच्या वतीने त्यांचे आभार मानले. त्यांनी मुलांना शैक्षणिक साहित्यही वितरित केले. माजी विद्यार्थ्यांच्या या योगदानामुळे शाळेच्या विद्यार्थ्यांमध्ये इंग्रजी विषयाची गोडी वाढण्यास नक्कीच मदत होईल, असे मुख्याध्यापक कुबल यांनी यावेळी सांगितले.