rat14p10.jpg-
91402
सावर्डे : शिक्षक दिनानिमित्त सहभागी झालेले विद्यार्थी शिक्षक

विद्यार्थ्यांच्या जीवनाचे खरे शिल्पकार शिक्षकच
प्रा. अवनी कदम ; सह्याद्री शिक्षण संस्थेच्या महाविद्यालयात शिक्षक दिन
सावर्डे,ता. १४ ः "शिक्षक हे केवळ धडे शिकविणारे व्यक्तिमत्व नाही तर ते विद्यार्थ्यांच्या जीवनाचे खरे शिल्पकार आहेत. त्यांच्या शिकवणीमुळेच आयुष्यातील आव्हाने पेलण्यास आपण सक्षम होतो, असे प्रतिपादन प्रा. अवनी कदम यांनी केले.
सह्याद्री शिक्षण संस्थेच्या कला व विज्ञान महाविद्यालयात शिक्षक दिनानिमित्त आयोजित कार्यक्रमात त्या बोलत होत्या. प्रा. कदम म्हणाल्या, शाळा व महाविद्यालयीन शिक्षक हे नेहमीच पुस्तकी ज्ञानाबरोबरच आपल्याला जीवन जगण्याची कला, शिस्त, मूल्ये, जबाबदारीची जाणीव, जिज्ञासु वृत्ती आणि संस्कारदेखील देत असतात. त्यांनी दिलेल्या ज्ञानामुळेच आपले जीवन उंचावते त्यामुळे त्यांचे ऋण आपल्याला कधीही फेडता येत नाही.
याप्रसंगी महाविद्यालयातील भूमी पाटोळे, ईशा सावंत, तन्वी कदम, पायल महाकाळ, स्नेहल खोपे, सानिया कदम, सानिका वनये, सृष्टी पवार, क्रिश पवार, सांची कदम, खुशी जाधव या विद्यार्थ्यांनी शिक्षकाची भूमिका पार पाडली. प्राचार्य टी. वाय. कांबळे यांनी विद्यार्थ्यांना भविष्यात जे काही साध्य करायचे आहे, ते प्रामाणिकपणे करा असा सल्ला दिला. यावेळी डॉ. दिप्ती शेंबेकर, प्रा. जयसिंग चवरे, प्रा. संकेत कुरणे प्रा. सुनिल जावीर, प्रा. शेंबेकर, प्रा. आवले, प्रा. जाधव आणि विद्यार्थी उपस्थित होते. या कार्यक्रमाचे सूत्रसंचालन पायल महांकाळ हिने तर आभार इशा सावंत हिने मानले.