92160

मंडणगड-दापोली प्रतिष्ठानला
आदर्श युवा संघटना पुरस्कार
मंडणगड, ता. १७ ः मंडणगड-दापोली सामाजिक प्रतिष्ठान या संस्थेस राज्यस्तरीय आदर्श युवा संघटना पुरस्कार २०२५ प्राप्त झाला आहे. समाजहितासाठी गेली बारा वर्षांची अविरत सेवा देणाऱ्या या संस्थेचा नवी मुंबई दिशा महाराष्ट्राचीतर्फे गौरव करण्यात आला. सामाजिक कार्यातून केलेल्या उल्लेखनीय कामगिरीची दखल घेत हा मानाचा सन्मान संस्थेस देण्यात आला.
दिशा महाराष्ट्राची या संस्थेने समाजातील विशेष कार्य करणाऱ्या संस्था व व्यक्तींचा सत्कार करण्यासाठी पहिले कवी संमेलन आणि राज्यस्तरीय सन्मान सोहळा नवी मुंबई येथे घेतले. कार्यक्रमात मंडणगड-दापोली सामाजिक प्रतिष्ठानचा गौरव करण्यात आला. पुरस्कार दिशा महाराष्ट्राचे तुषार नेवरेकर यांच्या हस्ते स्वीकारताना प्रतिष्ठानचे संस्थापक सदस्य सुनील तांबे कोन्हवलीकर, निखिल कवडे आणि रत्नदीप रूके उपस्थित होते. या प्रतिष्ठानने शैक्षणिक, सामाजिक, पर्यावरणीय आणि जनजागृती विषयांवर प्रभावी काम करत स्थानिक तसेच राज्यस्तरावर सकारात्मक छाप निर्माण केली आहे.