भरड गणेशोत्सव मंडळातर्फे उद्यापासून विविध कार्यक्रम
मालवण, ता. १७ : शहरातील भरड येथील श्री दत्त मंदिर सार्वजनिक गणेशोत्सव मंडळातर्फे गणेशोत्सवानिमित्त विविध सांस्कृतिक व धार्मिक कार्यक्रमांचे आयोजन करण्यात आले आहे. यात शुक्रवारी (ता. १९) सायंकाळी ४.३० वाजता कोकणातील मान्यवर कवींची काव्य मैफल, २० ला सायंकाळी ६.३० वाजता सवाल-जवाबाची संगीत भजनबारी श्रीराम प्रासादिक भजन मंडळ, शिरसे, राजापूर (बुवा संतोष शिरसेकर, पखवाज-अजित शिरसेकर, तबला-सौरभ भोगले) विरुद्ध श्री भूतनाथ प्रासादिक भजन मंडळ, वायरी-मालवण (बुवा भालचंद्र केळुसकर, पखवाज-विशाल केळुसकर, तबला-पंकज पाटील) यांच्यात भजनबारी रंगणार आहे. तसेच २७ ला सायंकाळी ९.३० वाजता श्री बोर्डेकर पारंपरिक दशावतार नाट्यमंडळ दोडामार्ग यांचा नाट्यप्रयोग, २ ऑक्टोबरला रात्री ९ वाजता नेहा उपाध्ये (म्हापसा, गोवा) यांचे ‘गजेंद्रमोक्ष’ विषयावर कीर्तन, ३ ला रात्री संदीप मांडके (पुणे) यांचे ‘रामभक्त केवट’, ४ ला अक्षय घांग्रेकर (भिवंडी) यांचे ‘दूधभात शिक्षा’, ५ ला केशव शिवडेकर (कपिलेश्वरी, गोवा) यांचे ‘जामिनाचा धोंडा’, ६ ला हरिहर नातू (मालवण) यांचे ‘श्रीकृष्ण शिष्टाई’ विषयावर कीर्तन होणार आहे. ९ ला श्री सत्यनारायण महापूजा, सायंकाळी ५ वाजता भजन, रात्री अमृतनाथ पारंपरिक दशावतार नाट्यमंडळ, म्हापण यांचा दशावतार नाट्यप्रयोग, ११ ला ढोलताशांच्या गजरात आणि पारंपरिक चलचित्र देखाव्यासह विसर्जन मिरवणूक निघून गणेशमूर्ती विसर्जन होणार आहे.