94500
वैद्यकीय विद्यार्थ्यांसाठी
शासनाकडून बस सेवा
पालकमंत्री राणेंच्या हस्ते प्रारंभ
सकाळ वृत्तसेवा
सिंधुदुर्गनगरी, ता. २६ ः सिंधुदुर्गच्या शासकीय वैद्यकीय महाविद्यालयात शिक्षण घेत असलेल्या विद्यार्थ्यांच्या सेवेसाठी शासनाकडून मिळालेल्या लक्झरी बसचा प्रारंभ आज पालकमंत्री नीतेश राणे यांच्या हस्ते श्रीफळ वाढवून व हिरवा झेंडा दाखवून करण्यात आला.
शासकीय वैद्यकीय महाविद्यालयात शिक्षण घेत असलेल्या विद्यार्थ्यांचा प्रवास सोईसाठी शासनाने लक्झरी बस मंजूर केली आहे. तसेच वैद्यकीय महाविद्यालयाचे अधिष्ठाता यांनाही वाहन उपलब्ध करून दिले आहे. या दोन्ही वाहनांचा प्रारंभ आज श्री. राणे यांच्या हस्ते करण्यात आला. यावेळी जिल्हाधिकारी तृप्ती धोडमिसे, अप्पर जिल्हाधिकारी शुभांगी साठे, मुख्य कार्यकारी अधिकारी रवींद्र खेबुडकर, भाजप जिल्हाध्यक्ष प्रभाकर सावंत, वैद्यकीय महाविद्यालयाचे प्रभारी अधिष्ठाता डॉ. अनंत डवंगे, जिल्हा शल्य चिकित्सक डॉ. श्रीपाद पाटील आदी उपस्थित होते. वैद्यकीय महाविद्यालयात शिक्षण घेणाऱ्या विद्यार्थ्यांसाठी हे वाहन शासनाने उपलब्ध करून दिले आहे. या वाहनाचा योग्य वापर आणि वाहनाची देखभाल दुरुस्ती नियमित करून विद्यार्थ्यांची गैरसोय होणार नाही याबाबत दक्षता घ्यावी, अशा सूचना पालकमंत्री राणे यांनी अधिष्ठाता यांना केल्या.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.