‘एलन टॅलेंटेक्स’तर्फे विद्यार्थ्यांना
९० टक्क्यांपर्यंत शिष्यवृत्तीची संधी
पुणे, ता. २७ : देशभरातील विद्यार्थ्यांसाठी ‘एलन टॅलेंटेक्स’ ही परीक्षा येत्या पाच ऑक्टोबर रोजी होणार आहे. या परीक्षेद्वारे विद्यार्थ्यांना ‘एलन’च्या शुल्कावर ९० टक्क्यांपर्यंत शिष्यवृत्ती आणि रोख बक्षीसे जिंकण्याची संधी मिळणार आहे. ही परीक्षा महाराष्ट्रासह चंदीगड, दिल्ली, गोवा, गुजरात, हरियाना, हिमाचल प्रदेश, जम्मू आणि काश्मीर, लडाख, पंजाब, राजस्थान आणि उत्तराखंड या राज्यांमध्ये होणार असल्याची माहिती एलन करिअर इन्स्टिट्यूटचे उपाध्यक्ष आणि टॅलेंटेक्सचे राष्ट्रीय प्रमुख पंकज अग्रवाल यांनी दिली. परीक्षेचा अभ्यासक्रम राष्ट्रीय शैक्षणिक संशोधन व प्रशिक्षण परिषदेच्या अभ्यासक्रमावर आधारित असणार आहे. या परीक्षेद्वारे अडीच कोटी रुपयांची रोख बक्षिसे आणि २५० कोटी रुपयांच्या शिष्यवृत्ती दिल्या जातील. परीक्षेतील कामगिरीनुसार विद्यार्थ्यांना एलनच्या विविध कोर्सवर ९० टक्क्यांपर्यंत शिष्यवृत्ती मिळू शकते, असे अग्रवाल यांनी सांगितले.