- rat1p14.jpg-
25N95920
मंडणगड ः आपत्कालीन परिस्थितीत आग नियंत्रणाचे प्रत्यक्ष प्रात्यक्षिकही दाखविताना मान्यवर.

प्रयोगशाळेतील सुरक्षा हीच खरी शिस्त
डॉ. विभूते ः मुंडे महाविद्यालयात कार्यशाळा
सकाळ वृत्तसेवा
मंडणगड, ता. १ ः योग्य सुरक्षा कार्यपद्धती जबाबदार प्रयोगशाळा संरक्षण संस्कृतीला प्रोत्साहन देते. प्रयोगशाळेची सुरक्षा ही केवळ वैयक्तिक आरोग्यापुरती मर्यादित नाही, तर संशोधनाची अखंडता आणि पर्यावरणाचे रक्षण यासाठीही महत्त्वाची आहे असे डॉ. बी.टी. विभूते यांनी सांगितले.
सावित्रीबाई फुले शिक्षण प्रसारक मंडळ संचालित लोकनेते गोपीनाथजी मुंडे कला, वाणिज्य व विज्ञान महाविद्यालयात रसायनशास्त्र विभागाच्यावतीने आयोजित केलेल्या प्रयोगशाळा सुरक्षा कार्यशाळेत ते बोलत होते. या कार्यशाळेत मार्गदर्शन करण्यासाठी दोशी-वकील कॉलेज, गोरेगाव येथील रसायनशास्त्र विभागाचे डॉ. बी. टी. विभूते हे उपस्थित होते. या कार्यक्रमाच्या अध्यक्षस्थानी महाविद्यालयाचे उपप्राचार्य डॉ. विष्णु जायभये होते. यावेळी रसायनांच्या चुकीच्या हाताळणीमुळे होणारे अपघात, आग, प्रदूषण व दीर्घकालीन आरोग्य समस्यांचे धोके स्पष्ट केले. याप्रसंगी रसायनशास्त्र विभागप्रमुख डॉ. मुकेश कदम, प्रा. संदीप निर्वाण, प्रा. शरीफ काझी, प्रयोगशाळा सहायक रंजीत म्हाप्रळकर, ग्रंथपाल डॉ. दगडू जगताप आदी उपस्थित होते. डॉ. मुकेश कदम यांनी कार्यशाळेचा उद्देश स्पष्ट केला. प्रा. शरीफ काझी यांनी पाहुण्यांची ओळख करून दिली. सूत्रसंचालन प्रा. शरीफ काझी यांनी केले, तर प्रा. संदीप निर्वाण यांनी आभार मानले.
---