rat१p.jpg-
२५N९५८८२
रत्नागिरी : भाजपच्या ऑनलाइन गणेशोत्सव स्पर्धेतील विजेत्यांना बक्षीस देताना जिल्हाध्यक्ष राजेश सावंत.

भाजपच्या गणेशोत्सव स्पर्धेत
साईराज नाचणकर विजेते
सकाळ वृत्तसेवा
रत्नागिरी, ता. १ : रत्नागिरी शहर भाजप आयोजित गणेशोत्सव ऑनलाइन स्पर्धेत प्रथम पारितोषिक साईराज नाचणकर (तेली आळी) यांनी पटकावले. द्वितीय अर्जुन गोलतकर (पॉवर हाऊस) आणि तृतीय पारितोषिक शुभम आडमकर (मच्छीमार्केट) यांना मिळाला.
स्पर्धेत उत्तेजनार्थ क्रमांक दीपिका कुबल (भगवती बंदर) आणि मयूर आग्रे (सुवरेवाडी) यांनी पटकावला. भाजप जिल्हाध्यक्ष राजेश सावंत, महिला जिल्हाध्यक्ष वर्षा ढेकणे, युवा जिल्हाध्यक्ष मंदार खंडकर व शहराध्यक्ष दादा ढेकणे यांच्या हस्ते विजेत्यांना सन्मानित केले. सर्वच गणेशभक्तांनी बाप्पासाठी सुरेख सजावट केली. गणेशोत्सवासारख्या सांस्कृतिक परंपरांचा सन्मान राखत नवनवीन माध्यमांतून सहभागी होण्याचा हा उपक्रम कौतुकास्पद असल्याचे मत जिल्हाध्यक्ष राजेश सावंत यांनी व्यक्त केले. दरवर्षी अशी स्पर्धा घेतली जावी. या कार्यक्रमाला मनोज पाटणकर, नीलेश आखाडे, संदीप सुर्वे, शैलू बेर्डे, नितीन जाधव, समीर वस्ता यांसारखे मान्यवर व पदाधिकारी उपस्थित होते. स्पर्धेचे परीक्षण कलाकार विलास रहाटे यांनी पाहिले.