वेसवीतील शिबिरात महिलांचे समुपदेशन
मंडणगड, ता. १ ः तालुक्यातील वेसवी उपकेंद्रात महिलांसाठी आयोजित विशेष आरोग्य शिबिरात महिलांना आरोग्यविषय उपक्रमांची माहिती देण्यात आली. तसेच आरोग्याची काळजी कशी घ्यावी, याबद्दल समुपदेशन करण्यात आले. अभियानात महिलांच्या तपासणीत उच्च रक्तदाब, मधुमेह, कर्करोग तपासणी, क्षयरोग, ॲनिमिया व स्क्रीनिंग, गरोदर मातांची तपासणी व समुपदेशन, मासिक पाळी स्वच्छता मार्गदर्शन केले व आहार पद्धती याबाबत माहिती देण्यात आली. याशिवाय आयुष्यमान भारत प्रधानमंत्री जनआरोग्य योजना कार्ड करण्यात आले. यावेळी गट विकास अधिकारी सुनील खरात, विस्तार अधिकारी श्री. वारे यांच्या उपस्थितीत आरोग्य केंद्र वैद्यकीय अधिकारी डॉ. श्याम कंकाळ, वेसवी ग्रामपंचायतीचे सरपंच, उपसरपंच, अंगणवाडी पर्यवेक्षिका, ग्रामपंचायत अधिकारी उपस्थित होते.