swt16.jpg
N95950
बांदा ः प्रशिक्षक किरण देसाई यांच्यासोबत प्रेरणा भोसले.

किक बॉक्सिंग स्पर्धेत
प्रेरणा भोसलेला सुवर्ण
सकाळ वृत्तसेवा
बांदा, ता. १ः येथील खेमराज मेमोरीयल प्रशाळेच्या प्रेरणा भोसले या विद्यार्थिनीने प्रशिक्षक किरण देसाई यांच्या मार्गदर्शनाखाली किक बॉक्सिंग स्पर्धेत निर्विवाद वर्चस्व राखत सुवर्णपदक पटकावले. तिचे हे दुसरे सुवर्णपदक आहे.
गेल्याच महिन्यात झालेल्या बॉक्सिंग क्रीडा प्रकारात सुवर्ण तर कराटे स्पर्धेत तिने कांस्यपदक मिळविले होते. क्रीडा व युवक संचालनालय महाराष्ट्र राज्य जिल्हा क्रीडा परिषद व जिल्हा क्रीडा अधिकारी कार्यालय सिंधुदुर्ग यांच्या वतीने सिंधुदुर्गनगरी येथे जिल्हास्तरीय शालेय क्रीडा स्पर्धा सोमवारी (ता. २९) झाली. यामध्ये १९ वर्षांखालील मुलींच्या गटात प्रेरणा हिने अंतिम फेरीत विजय मिळवत सुवर्णपदक मिळवले. ती क्रीडा प्रशिक्षक किरण देसाई यांच्या मार्गदर्शनाखाली सराव करत आहे. तिला खेमराज बांदाच्या क्रीडा शिक्षिका सुमेधा सावळ यांचे मार्गदर्शन लाभले.