96037

मालवणमध्ये शिंदे सेनेमार्फत
पदाधिकाऱ्यांना नियुक्ती पत्रे
मालवण : तालुक्यातील शिवसेना पदाधिकाऱ्यांच्या नव्या नियुक्त्या जिल्हाप्रमुख दत्ता सामंत यांनी आमदार नीलेश राणे यांच्या मार्गदर्शनाखाली जाहीर केल्या. नवनियुक्त पदाधिकाऱ्यांना सामंत यांनी नियुक्तीपत्र देत पुढील वाटचालीस शुभेच्छा दिल्या. जाहीर केलेल्या नियुक्तीमध्ये सुकळवाड उपविभागप्रमुख-उमेश गावडे, तिरवडे गावप्रमुख-विकास गावडे, उपशाखा प्रमुख-आप्पा गावडे, अनिल गावडे यांची नियुक्ती करण्यात आली. या नियुक्तीचा कालावधी एका वर्षाचा आहे. शिवसेना पक्षवाढीसाठी सर्वांना सोबत घेऊन कार्य करण्याचे आवाहन नियुक्ती पत्रात केले आहे. यावेळी तालुकाप्रमुख राजा गावडे, तालुकाप्रमुख विनायक बाईत, शिवसेना सरपंच संघटना तालुकाप्रमुख शाम वाक्कर, युवासेना जिल्हाप्रमुख संग्राम साळसकर, सांस्कृतिक विभाग जिल्हाप्रमुख भालचंद्र केळूसकर, युवासेना विधानसभा प्रमुख प्रीतम गावडे, उपजिल्हा प्रमुख मिहीर राणे, तालुकाप्रमुख स्वप्नील गावडे, तालुकाप्रमुख अभी लाड, माजी जिल्हा परिषद सभापती संतोष साटविलकर, माजी उपसभापती छोटू ठाकूर, मसुरे उपसरपंच पिंट्या गावकर, मकरंद राणे, मंदार लुडबे, बबन परब, संदीप भोजणे आदी उपस्थित होते.