चिपळुणात आज गोविंदगड रन मॅरेथॉन
सकाळ वृत्तसेवा
चिपळूण, ता. ४ ः गोवळकोटचा मानबिंदू असलेल्या ऐतिहासिक गोविंदगडावर झालेल्या रणसंग्रामाला ५ ऑक्टोबरला २९२ वर्षे पूर्ण होत आहेत. या स्मरणार्थ ‘गोविंदगड लढाई स्मरण दिन’ व ‘गोविंदगड रन मॅरेथॉन’चे आयोजन करण्यात आले आहे. रविवारी (ता. ५) सकाळी ९.३० वाजता स्वा. सावरकर सभागृह येथे स्मरणदिन कार्यक्रम होईल.
या प्रसंगी व्याख्यानासाठी शिव शंभू व्याख्याते बालाजी काशिद (पुणे) यांच्यासह आमदार शेखर निकम, प्रांताधिकारी आकाश लिगाडे, उपविभागीय अधिकारी प्रकाश बेले, पिलाजीराव गोळे यांचे वंशज मारुती आबा गोळे, इतिहास अभ्यासक संदीप परांजपे, माजी नगराध्यक्ष बापू काणे आदी उपस्थित राहणार आहेत. या निमित्त गोविंदगड रन मॅरेथॉनचे आयोजन केले आहे. स्पर्धा दोन गटात होणार असून, १५ वर्षांखालील गटासाठी ५ किमी तर १६ वर्षांवरील गटासाठी ७ किमी अंतर ठेवण्यात आले आहे. स्पर्धा सकाळी ७ ते ९.३० या वेळेत छत्रपती शिवाजी महाराज स्मारक (वेस मारुती मंदिर) येथून सुरू होऊन तेथेच संपणार आहे. जिल्ह्यातील सर्व शाळा व महाविद्यालयांनी या स्पर्धेस सहकार्य करावे, असे आवाहन सरनोबत पिलाजीराव गोळे प्रतिष्ठान व राजे सामाजिक प्रतिष्ठान यांच्यावतीने करण्यात आले आहे. अधिक माहितीसाठी प्रथमेश शिंदे, आशिष कानापडे यांच्याशी संपर्क साधावा.