नाणीज विद्यामंदिरात
शारदोत्सव साजरा
साखरपा ः नाणीज येथील माध्यमिक विद्यामंदिरामध्ये शारदोत्सव साजरा करण्यात आला. नाणीज विद्यालयात हा कार्यक्रम दोन सत्रात झाला. सकाळच्या सत्रात शालेय परिपाठानंतर मुख्याध्यापिका रूपाली सावंतदेसाई यांच्या हस्ते विद्येची देवता माता सरस्वती हिचे पूजन झाले. दुपारच्या सत्रात सर्व विद्यार्थी, शिक्षक आणि शिक्षकेतर कर्मचाऱ्‍यांनी पारंपरिक गरबा नृत्य सादर केले. या कार्यक्रमाचे आयोजन शिक्षक सायली साळवी, नियती गावडे, आरुषी नागले, प्रमोद वाघरे यांनी केले होते.
कनकाडीत महिलांसाठी
आरोग्य शिबिर
साखरपा ः देवळे आरोग्य केंद्रांतर्गत कनकाडी येथे महिलांसाठी विशेष आरोग्य शिबिर घेण्यात आले. गावातील महिला आणि शालेय विद्यार्थिनींची तपासणी आणि समुपदेशन करण्यात आले. स्वस्थ नारी, सशक्त परिवार या केंद्र शासनाच्या अभियानांतर्गत हे शिबिर घेण्यात आले. या कार्यक्रमांतर्गत किशोरवयीन मुलींचे समुपदेशन करण्यात आले. महिलांच्या विविध तपासण्याही करण्यात आल्या. यात क्षयरोग, रक्ताची कमतरता, सिकल सेल स्क्रिनिंग, रक्तदाब आदी तपासण्या करण्यात आल्या. गरोदर माता आणि किशोरवयीन मुलींच्याही तपासण्या करण्यात आल्या. शिबिरात आभा कार्ड, आयुष्यमान भारत प्रधानमंत्री जनआरोग्य योजना यांची माहिती देण्यात आली. कार्यक्रमाला सरपंच संतोष गोताड, ग्रामपंचायत सदस्य, कर्मचारी, डॉ. तुषार चोपडे, आरोग्य साहाय्यक प्रशांत कांबळे, आरोग्य सहायिका विद्या गावडे, समुदाय आरोग्य अधिकारी सुरेश पाटील आदी उपस्थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.