97534

रोलर स्केटिंग स्पर्धेत स्पृहा तृतीय
सावंतवाडी, ता. १० ः जिल्हा क्रीडा अधिकारी कार्यालय सिंधुदुर्गतर्फे आयोजित जिल्हास्तरीय रोलर स्केटिंग स्पर्धेत सिंधुदुर्ग जिल्हा शिक्षण प्रसारक मंडळ संचलित येथील मदर क्विन्स इंग्लिश स्कूलची विद्यार्थिनी स्पृहा नार्वेकर हिने मुलींच्या ११ वर्षांखालील वयोगटात तृतीय क्रमांक पटकावला. तिची विभागस्तरीय स्पर्धेसाठी निवड झाली आहे. या यशाबद्दल सिंधुदुर्ग जिल्हा शिक्षण प्रसारक मंडळाचे अध्यक्ष खेमसावंत भोसले, अध्यक्ष शुभदादेवी भोसले, कार्यकारी विश्वस्त लखमराजे भोसले, विश्वस्त श्रद्धाराजे भोसले, मंडळाचे संचालक दिलीप देसाई, सहाय्यक संचालक ॲड. शामराव सावंत, सदस्य जयप्रकाश सावंत, डॉ. सतीश सावंत, मुख्याध्यापिका अनुजा साळगावकर, क्रीडा शिक्षक भूषण परब तसेच प्रशालेचे शिक्षक, शिक्षकेतर कर्मचारी, पालक शिक्षक संघ कार्यकारी समितीचे सदस्य यांनी अभिनंदन करून पुढील वाटचालीस शुभेच्छा दिल्या.
------
97532
तन्वी पांगम
97533
ब्लॉसम मेंडीस

क्रीडा स्पर्धेत आरोस प्रशालेचे यश
आरोंदा, ता. १० ः क्रीडा व युवक सेवा संचालनालय महाराष्ट्र पुणे अंतर्गत जिल्हा क्रीडा परिषद सिंधुदुर्ग आणि जिल्हा क्रीडा अधिकारी कार्यालय सिंधुदुर्गतर्फे सावंतवाडी तालुकास्तरीय शालेय मैदानी क्रीडा स्पर्धा क्रीडा स्पर्धा बांदा येथे नुकत्याच झाल्या. या स्पर्धेत आरोस पंचक्रोशी विद्या विकास हायस्कूलची विद्यार्थिनी तन्वी पांगम हिने ३ हजार मीटर चालणे स्पर्धेत तालुक्यात प्रथम, तर १४ वर्षे वयोगटात ब्लॉसम मेंडीस हिने २०० मीटर धावणे प्रकारात तालुक्यात तिसरा क्रमांक पटकावला. विजयी स्पर्धकांसह क्रीडाशिक्षक अनिल नाईक व सहभागी सर्व विद्यार्थ्यांचे संस्थाध्यक्ष रोहिदास सावंत, उपाध्यक्ष नीलेश परब, सचिव राजन नाईक, संस्था पदाधिकारी, सदस्य, मुख्याध्यापक शिरीष नाईक व शिक्षक, शिक्षकेतर कर्मचारी यांनी अभिनंदन केले.