वीज कंत्राटी कामगार
संघाची गुरुवारी बैठक
रत्नागिरी, ता. १२ ः वीज उद्योगात ९ ते ११ ऑक्टोबर या कालावधीत संप होता. या संपाला वीज कंत्राटी कामगार संघाने काळ्या फिती लावून पाठिंबा दिला आहे. वीज कंत्राटी कामगार संघाची बैठक १६ ऑक्टोबरला संचालक राजेंद्र पवार यांच्या अध्यक्षतेखाली होणार असल्याचे पत्र महावितरणचे मुख्य औद्योगिक संबंध अधिकारी संजय ढोके यांनी संघटनेला दिले आहे.
हरियाणा पॅटर्नचा अहवाल मंत्रीमंडळासमोर सादर करावा, दिवाळी पूर्वी वेतन वाढीच्या फरकाची रक्कम, वेतन व बोनसची रक्कम देण्यात यावी, भरती व पुनर्रचनेनंतर कंत्राटी कामगारांना कमी करू नये, कोर्ट केसमधील नावे संपर्क पोर्टलला संरक्षित कामगार म्हणून अधोरेखित करावीत, कंत्राटदार बदलला तरी कामगार तेच रहावेत, लास्ट इन फर्स्ट आऊट पद्धत वापरावी आदी आणि अन्य महत्वाच्या मुद्यांवर बैठकीत चर्चा होईल, असे अध्यक्ष निलेश खरात यांनी कळवले आहे. त्यावर तोडगा निघाला नाही तर डिसेंबरमध्ये हिवाळी अधिवेशनादरम्यान आंदोलन करावे लागेल असाही इशारा त्यांनी दिला.