मळगाव येथे उद्या
‘वाचन प्रेरणा दिन’

सावंतवाडी, ता. १३ ः मळगाव येथील प्रा. उदय रमाकांत खानोलकर वाचन मंदिरातर्फे भारतरत्न डॉ. ए. पी. जे. अब्दुल कलाम यांच्या जयंतीचे औचित्य साधून ‘वाचन प्रेरणा दिन’ कार्यक्रम व उत्कृष्ट वाचक सन्मान सोहळ्याचे आयोजन केले आहे. ​हा कार्यक्रम बुधवारी (ता. १५) सकाळी १० वाजता ग्रंथालयाच्या ‘रमाकांत सूर्याजी खानोलकर’ सभागृहात होईल.
सावंतवाडी पोलिस निरीक्षक अमोल चव्हाण यांची उपस्थिती आहे. ​ग्रंथालयाने २०२४-२५ या वर्षभरात आजीवन, साधारण, तसेच बाल गटातून सर्वाधिक ग्रंथांचे वाचन केलेल्या सभासदांची निवड ‘उत्कृष्ट वाचक सन्मान-२०२५’ साठी केली आहे. वाचनाची आवड जोपासणाऱ्या आणि इतरांना प्रेरणा देणाऱ्या या वाचकांचा मान्यवरांच्या हस्ते सन्मान करण्यात येणार आहे. सर्व ग्रंथप्रेमी, वाचनप्रेमी आणि हितचिंतकांनी या कार्यक्रमाला मोठ्या संख्येने उपस्थित राहावे, असे आवाहन ​वाचन मंदिरतर्फे केले आहे.