swt१९३७.jpg
99768
बांदाः गणेश सजावट व गणेश मूर्ती सजावट स्पर्धेतील विजेत्यांना गौरविताना साई काणेकर, भाऊ वाळके, प्रशांत कोचरेकर आदी.

अनुज बांदेकर, कांता हळदणकर प्रथम
गणेश सजावट स्पर्धाः साई काणेकर मित्रमंडळाचे आयोजन
सकाळ वृत्तसेवा
बांदा, ता. २०ः येथील साई काणेकर मित्रमंडळ आयोजित गणेश सजावट स्पर्धेत अनुज बांदेकर तर गणेश मूर्ती सजावट स्पर्धेत कांता हळदणकर यांनी प्रथम क्रमांक मिळविला. मित्रमंडळाच्या वतीने विजेत्या स्पर्धकांना रोख रकमेची पारितोषिके व सन्मानचिन्ह देऊन गौरविण्यात आले.
साई काणेकर मित्र मंडळाच्या वतीने गणेश सजावट व गणेश मूर्ती सजावट स्पर्धेचे आयोजन प्रभाग क्रमांक ५ साठी केले होते. स्पर्धेला स्थानिकांचा उस्फूर्त प्रतिसाद मिळाला. स्पर्धेचे परीक्षण करून विजेत्या स्पर्धकांना पारितोषिके वितरित करण्यात आली.
स्पर्धेचा निकाल पुढीलप्रमाणेः गणेश सजावट स्पर्धा - प्रथम क्रमांक अनुज बांदेकर, द्वितीय नेहा मेस्त्री, तृतीय यश शिरोडकर. (गणेश मूर्ती सजावट स्पर्धा) प्रथम क्रमांक कांता हळदणकर, द्वितीय सिद्धू आजगावकर, तृतीय प्रदीप वाळके. ही स्पर्धा हॉस्पिटल कट्टा, काळसेवाडी, सुतारवाडी व आंबेडकर नगर साठी मर्यादित होती. ग्रामपंचायत सदस्य साई काणेकर यांच्या प्रमुख उपस्थितीत विजेत्या स्पर्धकांना पारितोषिके प्रदान करण्यात आली. यावेळी भाऊ वाळके, प्रशांत कोचरेकर, परीक्षक केदार कणबर्गी उपस्थित होते.