rat26p15.jpg
00605
लांजा : तहसीलदारांना निवेदन देताना तेली समाज बांधव.
-----------
ओबीसी आरक्षणाचा निर्णय रद्द करा
तेली समाजाची मागणी ; तहसीलदारांना दिले निवेदन
सकाळ वृत्तसेवा
लांजा, ता. २७ : मराठा समाजाला दिलेल्या ओबीसी आरक्षणा संदर्भातील शासन निर्णय शासनाने तातडीने रद्द करा, अशी मागणी लांजा तालुक्यातील तेली समाजाने केली आहे. याबाबतचे निवेदन तहसीलदारांना देण्यात आले.
मराठा समाजाला दिलेल्या ओबीसी आरक्षणाविरोधात तालुक्यातील तेली समाजाने आक्रमक भूमिका घेतली आहे. हा काळा जीआर ओबीसी समाजाच्या मुळावर उठणारा आहे. ज्या तेली समाजाने विधानसभा निवडणुकीत आपल्या पक्षाला भरभरून मतदान केले, ज्या समाजाच्या जीवावर सरकार स्थापन झाले. अशा वेळी एका व्यक्तीच्या धमकीला घाबरून सरकारने संपूर्ण ओबीसी समाजावर अन्याय केलेला आहे. सरकारच्या या चुकीच्या शासन निर्णयामुळे तेली समाजातील युवकांना नोकरीमध्ये संधी मिळणार नाही. तसेच विद्यार्थ्यांना मोठे शैक्षणिक नुकसान सोसावे लागणार आहे. त्यामुळे हा शासन निर्णय तातडीने रद्द करावा, अशी मागणी केली आहे. निवेदन देताना तेली समाजाचे अध्यक्ष प्रकाश लांजेकर, राजेश लांजेकर, गुरुप्रसाद तेली, योगेश लांजेकर, नवनीत लांजेकर आदी उपस्थित होते.