रत्नागिरी टेस्ट ट्यूब बेबी सेंटरमध्ये
२ रोजी मोफत तपासणी शिबिर
रत्नागिरी, ता. २९ : शिवाजीनगर येथील धन्वंतरी हॉस्पिटलच्या रत्नागिरी टेस्ट ट्यूब बेबी अ‍ॅन्ड रिसर्च सेंटरमध्ये येत्या २ नोव्हेंबरला वंध्यत्वावरील मोफत तपासणी शिबिर होणार आहे. सकाळी १० ते दुपारी १२ या वेळेत हे शिबिर होईल. यामध्ये स्त्रीरोग तज्ज्ञ डॉ. तोरल शिंदे तपासणी व मार्गदर्शन करणार आहेत. माता-पिता होण्यासाठी इच्छुक जोडप्यांना टेस्ट ट्यूब बेबी उपचाराची आवश्यकता, रत्नागिरी टेस्ट ट्यूब बेबी सेंटरमध्ये उपलब्ध पर्यायांची माहिती या शिबिरात दिली जाते त्याशिवाय पीसीओडीसंदर्भातील समस्या, गर्भनलिका तपासणे, स्त्रीबीज तयार न होणे व न फुटणे, गर्भाशयाच्या गाठी व गर्भाशय काढणे, वारंवार आययूआय, पाळीच्या तक्रारी, स्त्रियांचे वजन आणि त्यामुळे येणाऱ्या समस्या, पुरुषांमध्ये लैंगिक समस्या आदींवर मोफत मार्गदर्शन केले जाणार आहे.